Halal balabaqshalar Halyqaralyq qatynas, qorǵanys jáne qaýipsizdik boıynsha senat komıtetiniń tóraıymy Darıǵa Nazarbaevanyń ashýyna tıdi. Bul týraly Qamshy.kz Nur.kz-ke silteme jasap habarlaıdy.
"Kóptegen olqylyqtar bar. Jaqynda bizde "halal" balabaqshalar baryn bildim. Men óte ashýlymyn! Bul jazda bolǵan jaıttar bizdi kóp nársege úıretti dep oılaımyn - olar bizge osal tustarymyzdy kórsetti. Sol úshin kórpe astyna tyǵylmaı, jumys isteý kerek", - deıdi senat komıtetiniń basshysy.
Darıǵa Nazarbaeva kezdesý barysynda elimizdiń polıseıleriniń quzyretin keńeıtý usynysyn jasady.
"Polısıanyń statýsyn qaıta qaraý kerek dep sanaımyn. Olarǵa oqys jaǵdaılarda belsendi toıtarys bere alýy úshin kóbirek quziret berý kerek. Almatyda qaza bolǵan polıseıler barlyq qajet sharalardy qoldanǵanymen, adam shyǵyny boldy", - dedi Nazarbaeva Almatyda 18 shilde kúni bolǵan qaıǵyly jaıtty eske sala otyryp.
