Is-sharaǵa 7 myńnan astam qala turǵyny men qonaqtary qatysty. Jınalǵandarǵa arnaǵan sózinde Memleket basshysy barsha qazaqstandyqtardy Almatynyń myńjyldyq merekesimen quttyqtap, osy oqıǵanyń tarıhı mánin atap ótti, - dep jazady Qamshy.kz "Ońtústik Qazaqstan" gazetine silteme jasap.
– Bul data IýNESKO-nyń Adamzattyń ataýly jáne merekelik kúnderi kúntizbesine engen. Atalǵan sheshim Almatynyń óńirlik jáne jahandyq damýdaǵy biregeı róliniń aıryqsha ekenin kórsetedi. Alataý bókterindegi qasterli ólke óz tarıhynda kóp nárseni basynan ótkerdi. Bul jerden alyp Eýrazıanyń Shyǵysy men Batysyn, Soltústigi men Ońtústigin jalǵaǵan alǵashqy saýda joly jáne jalpy adamzattyq magıstral – Uly Jibek joly ótken. Bes júz elý jyl buryn Jetisý Qazaq handyǵynyń besigi boldy. Bul jerde búkil Ortalyq Azıa aımaǵynyń ýrbanıstik mádenıetiniń basty oshaǵynyń biri paıda boldy, – dedi Nursultan Nazarbaev.
Elbasy Almatynyń HH ǵasyrdaǵy oqıǵalar tizbeginde aıryqsha rólge ıe ekenine nazar aýdardy.
– Qala 1929 jyly Qazaqstannyń kezekti astanasyna aınalyp, keıinnen mıllıondaǵan turǵyny bar megapolıske deıin ósti. Almatyǵa egemen Qazaqstannyń alǵashqy astanasy bolý mártebesi buıyrdy. Sondyqtan biz búkil halyq bolyp qalanyń myńjyldyǵyn Otanymyzdyń Táýelsizdiginiń 25 jyldyǵy belesinde merekeleýdemiz. 1995 jyly jalpy halyqtyq referendýmda respýblıka Konstıtýsıasy qabyldandy. Osy qalada «Qazaqstan Respýblıkasynyń memlekettik táýelsizdigi týraly» konstıtýsıalyq zań qabyldandy. Almatyda Qazaqstan halqy Assambleıasy quryldy. Naq osy jerde jańa elorda – Astana týraly tarıhı qaýly qabyldandy, – dedi Qazaqstan Prezıdenti.
Nursultan Nazarbaev megapolıstiń áleýmettik-ekonomıkalyq damý máseleleri árqashan memlekettiń basty nazarynda ekenin atap ótti.
– Byltyr qalanyń 2020 jylǵa deıingi damý baǵdarlamasy qabyldandy. Ol turǵyndardyń ómirin, qalanyń ekologıalyq jaǵdaıyn jaqsartý, bıznes úshin qolaıly jaǵdaılar týǵyzý jónindegi naqty sharalardy qamtıdy. Qazirgi Almaty – Qazaqstannyń batyl ári qarqyndy damýynyń kórinisi. Sońǵy 5 jyldyń ózinde qala aýmaǵy 2 ese ósti. Turǵyndardyń jalpy sany – bir mıllıon jeti júz myń adam. Almaty metropolıteni qazirdiń ózinde 30 mıllıonnan astam jolaýshy tasymaldaıdy. 2017 jyly «Nurly jol» baǵdarlamasy aıasynda Úlken Almaty aınalma jolynyń qurylysy bastalady. Ol «Batys Eýropa – Batys Qytaı» halyqaralyq magıstraliniń bir bóligi bolmaq. «Inovasıalyq tehnologıalar saıabaǵy» arnaıy ekonomıkalyq aımaǵy qurylyp damytylýda, – dedi Memleket basshysy.
Budan bólek, Qazaqstan Prezıdenti respýblıkadaǵy barlyq kásipkerlik sektordaǵy óndiriletin ónim men kórsetiletin qyzmettiń tórtten biri tıesili shaǵyn jáne orta bıznes sýbektileriniń mańyzdy rólin atap ótti.
Nursultan Nazarbaev sondaı-aq, Ýnıversıadaǵa daıyndyq halyqtyń kóbirek jumyspen qamtylýyna, qalanyń týrısik salasynyń damýyna jańa serpin bergenine nazar aýdardy.
– Onyń biregeı nysandarynyń qurylysyna 107 mıllıard teńge ınvestısıa tartyldy. Sonyń arqasynda myń jarym shaǵyn jáne orta bıznes sýbektileri jumyspen qamtylyp, 30 myńnan astam jańa jumys oryndary ashyldy. Qysqy Ýnıversıadaǵa 57 elden 2 myńnan astam sportshy qatysady. Almatynyń týrısik klasterin damytý arqyly 90 myń qala turǵyny jumyspen qamtamasyz etiledi, – dedi Elbasy.
Sońynda Qazaqstan Prezıdenti barsha qazaqstandyqtardy olardyń súıikti ári ásem de teńdessiz qalasynyń myńjyldyǵymen taǵy da quttyqtap, zor densaýlyq, baq-bereke jáne tabys tiledi.
