Aqtóbede «Máńgilik el – bolashaǵy birtutas el» patrıottyq forýmy ótti. Forýmǵa Atyraý, Qyzylorda, kórshiles Orynbor oblysynyń jastary men ardagerleri keldi, dep habarlaıdy Bnews.kz tilshisi.
«Máńgilik el – bolashaǵy birtutas ult» atty aımaqtyq forýmǵa qatysýshylar Álıa Moldaǵulova atyndaǵy memorıaldyq keshenge jınalyp, táýelsizdikdiń 25 jyldyǵynda atqarylǵan ıgi jumystardy aıtty. Mundaǵy maqsat – jastardyń patrıottyq sezimin oıatý, olardy aıanbaı eńbek etýge shaqyrý. «Mundaı forým jastardyń boıyna patrıottyq sezim uıatalatady. Sharada ata-baba tarıhy, el men jerdiń qundylyǵy, amanaty týraly aıtyldy. Elin súıgen, eli súıgen Elbasy Nursultan Nazarbaev jastarǵa úlken senim artatynyn jıi aıtady. Jastar elimizdiń birligin, egemendigin saqtap qalatyn urpaq», - deıdi Aýǵan soǵysynyń ardageri Marat Qoılybaev.
Aımaqtyq patrıottyq forýmǵa kórshi Orynbor óńiri, Atyraý, Qyzylorda oblystarynyń ókilderi qatysty. Barlyǵy 200-den astam jas parıottyq ánder tyńdap, eńbek ardagerleri men aýǵan soǵysy jaýyngerleriniń ósıetti áńgimesin tyńdady.
«Biz tárbıege salǵyrt qaramaıtyn elmiz. Eger aǵasy inisine renishin aıtsa, jany ashyp aıtady. Jastar týraly aıtar bolsam, qazir naryq zamany. Ekonomıkamyz alǵa basyp kele jatqan tusta tarıhymyz ben salt-dástúrimizdi, elge úlgi azamattardy taǵy eske alyp, olar týraly jan-jaqty aqparat berý arqyly búginginiń balasyn jaqsy tárbıeleı alamyz. Argaderlerdiń eńbek joly men atqarǵan isteri de olarǵa úlgi», - deıdi Qyzylorda oblysynyń «Erlik» úılestirý keńesiniń tóraǵasy.
Sharaǵa Talǵat Bıgeldınov atyndaǵy áýe qorǵanysy kúshteriniń áskerı ınstıtýty, zań ınstıtýtynyń kýrsanttary qatysty. Patrıottyq klýbtar men úkimettik emes uıym ókilderi, etno-mádenı ortalyq jetekshileri de jastarǵa úlgi, oqýshylarǵa ónege bolar qazaq tarıhy men el ishinde atqarylyp jatqan ıgi isterimen bólisti. Mektep oqýshylary «Máńgilik el» ıdeıasyn biledi, ár oqýshy ony ózinshe uǵady. Biri táýelsizdigimizdi, ulttyq rámizderimizdi qadir tutady, ekinshisi jaqsy oqyp, tabysty jumys isteý arqyly el damýyna úles qosýdy armandaıdy.
«Máńgilik el bolý bizge baılanysty dep oılaımyn. Er jetip, jaqsy mamandyq tańdap, elimizge qyzmet etýimiz kerek. Sonda biz Máńgilik el bolyp, damyǵan elge aınalamyz», - deıdi №21 mektep-gımnazıasynyń oqýshysy Zarına İzdegen.
