Ońtústik Qazaqstanda Shardara aýdanynyń ákimin dastarhan basynda otyrǵan kásipker basynan bótelkemen urǵan. Oqıǵa 1 qyrkúıek Bilim kúni qarsańynda Shardara sý qoımasynyń Altyn jaǵajaıyndaǵy otyrysta bolǵan, - dep habarlaıdy Qamshy.kz 31-arnaǵa silteme jasap.
Sheneýnikter men kásipkerlerden quralǵan bir top qonaqtarmen kóńildi dastarhan basynda otyrǵanda, kenet Ǵanı esimdi kásipker ekeýiniń arasynda kıkiljiń týyp, arty urysqa ulasqan. Bul týraly aqparat bergen ratel.kz portaly oqıǵanyń Bas prokýratýra baqylaýynda ekenin jazady. Alaıda resmı oryndar ázirge qandaı-da bir túsinik bergen joq. Basyna bótelke tıgen 39 jastaǵy Arman Abdýllaevtyń qabaǵy jarylyp, tipti, mańdaıynyń birneshe jerin tigýge týra kelgen.
