Internet jelisinde Qazaqstandaǵy qoǵamdyq-saıası ahýalǵa qatysty pikir-saıys uıymdastyrǵan saıasatker Aıdos Sadyqov pen ekonomıs Muhtar Taıjannyń áńgimesi eldegi saıası júıeni demokratıalandyrý joldaryna kelgende qaqqa jaryldy, - dep habarlaıdy Qamshy.kz.

«Bılikti halyqtyń talabyna qulaq asýǵa evalúsıalyq joldarmen de májbúrleýge bolady» degen M. Taıjanǵa A. Sadyqov «Tyǵyryqtan shyǵýdyń jalǵyz joly - revolúsıa» dep jaýap qatty. Mysal retinde Grýzıa men Ýkraınadaǵy tolqýlardy alǵa tartty.

«Sol revolúsıadan keıin Grýzıa terıtorıasynyń 20 paıyzy joq, Ýkraınanyń Qyrymy men Donbasy joq qoı. Bizde de solaı bolǵanyn qalaısyń ba?» degen saýalǵa A. Sadyqov «Qazaqstan halqyn durys ómirge keltirý úshin keıbir «jertvaǵa» barý kerek. Ondaı bolady. Ýkraına durys jolmen kele jatyr», - dep jaýap berdi.

Qazir Kıevte turyp jatqan opozısıalyq saıasatker bul jerde Qazaqstannyń qaı óńirin «jertva» etýge bolatynyn ashyp aıtpapty.