Memleket basshysynyń jarlyǵymen Talǵat Tatýbaev Jemqorlyqqa qarsy is-qımyl jónindegi Ulttyq búronyń tóraǵasy bolyp taǵaıyndaldy, - dep habarlaıdy Qamshy.kz Aqordanyń baspasóz qyzmetine silteme jasap.

Ol buǵan deıin tóraǵa orynbasary laýazymyn atqarǵan.

Ulttyq búro tóraǵasy laýazymyn buǵan deıin atqarǵan Qaırat Qojamjarov Memlekettik qyzmet isteri jáne jemqorlyqqa qarsy is-qımyl jónindegi agenttik basshysy bolyp taǵaıyndalǵan bolatyn.

Talǵat Tatýbaev 1976 jyly 9 qazanda Qaraǵandy qalasynda dúnıege kelgen. QR Bas tergeý komıteti Qaraǵandy joǵary mektebiniń túlegi (1997 jyl).

Úılengen, eki qyzy, bir uly bar.

T. Tatýbaev ár jyldary QR Prezıdent Ákimshiligi quqyqqorǵaý júıesi bóliminde, Memlekettik qyzmet isteri jáne jemqorlyqqa qarsy is-qımyl jónindegi Agenttikte qyzmet atqarǵan. 2016 jyldyń 12 qańtarynda Jemqorlyqqa qarsy is-qımyl jónindegi Ulttyq búro tóraǵasynyń orynbasary bolyp taǵaıyndaldy.