Úkimettiń búgingi otyrysynda QR Bilim jáne ǵylym mınıstri Erlan Saǵadıev jol júrý erejesin úıretý jumystary mektep qabyrǵasynan bastalatynyn jetkizdi. Onyń aıtýynsha, osy sharalardyń arqasynda elimizdegi jol-kólik apattarynyń sanyn azaıtýǵa bolady, dep xabarlaıdy Qamshy.kz Baq.kz –ke silteme jasap.
«Búginde balalardyń jolda jaraqat alý deńgeıi azaımaı otyr. Osyǵan baılanysty alǵashqy áskerı daıyndyq oqý baǵdarlamasyna, ıaǵnı NVP-ǵa kólik júrgizý, sonymen qatar jol qaýipsizdigi erejelerin oqytýdy engizetin bolamyz. Osynyń nátıjesinde mektep bitiretin balalarǵa kólik júrgizý kýrsyn bitirgeni týraly kýálik beriledi. Osylaısha, 18 jasqa kelgen bala kólik júrgizý kýáligin ala alady», - deıdi E.Saǵadıev.
Mınıstrdiń aıtýynsha, búginde alǵashqy áskerı daıyndyqtan sabaq beretin muǵalimderdi qaıta daıarlaý kýrstarynan ótkizý kózdelip otyr. Oǵan qajetti qarajat bar. Al osy saladaǵy jumysty kelesi jyly bitindep bastaý josparlanǵan.
