Úkimettiń búgingi otyrysynan keıin ótken baspasóz máslıxaty barysynda QR Ulttyq ekonomıka mınıstri Qýandyq Bıshimbaevqa «Nurly jer» baǵdarlamasy aıasynda buqaralyq aqparat quraldarynyń ókilderi úshin arnaıy sharttar jasala ma? Búginde osy mamandyq ıeleri ne memlekettik, ne búdjettik salaǵa jatpaıdy. Olardyń baspana alýyna qandaı da bir jeńildik bola ma?» degen saýal qoıyldy. Mınıstr atalǵan máseleni qarastyrýǵa daıyn ekenin jetkizdi, dep xabarlaıdy Qamshy.kz. 

«Ókinishke qaraı, qazirgi kezde «Nurly jer» baǵdarlamasy aıasynda ondaı jeńildikter qarastyrylyp jatqan joq. Biraq sizdiń quziretti mınıstrligińiz (Aqparat jáne komýnıkasıalar mınıstrligi - avt.) osyndaı usynys jasasa, biz ony qaraýǵa daıynbyz», - dep jaýap berdi Q.Bıshimbaev.

Esterińizge sala keteıik, Úkimettiń keńeıtilgen alqa májilisinde Prezıdent 10 sotyq jerde jeke úıdi salýǵa jaǵdaı jasaıtyn «Nurly jer» atty memlekettik baǵdarlamany ázirleýdi tapsyrǵan bolatyn.