Qazirdiń bul júktiliktiń qupıasyn Jemqorlyqqa qarsy is-qımyl jónindegi ulttyq búro qyzmetkerleri anyqtaýda, - dep habarlaıdy Qamshy.kz.

Ulttyq búrodaǵylardyń habarlaýynsha, oqıǵa 2013 jyldyń jeltoqsanynda Almatydaǵy SI-18 mekemesinde bolǵan. Búronyń Almaty departamenti qazir QR qylmystyq kodeksiniń 362-baby (bılikti jáne laýazymdyq ókilettikterin asyra paıdalaný) boıynsha sotqa deıingi tergeý sharalaryn júrgizýde.

«Qamaýdaǵy áıeldiń júkti bolý faktisi boıynsha is bizge Almaty qalasynyń prokýratýrasynan tústi. Qazirgi ýaqytta tergeýdiń jan-jaqtylyǵyn, tolyqtyǵy men is mán-jaıynyń obektıvtiligin qamtamasyz etý úshin tergeý sharalary ótýde», - delingen jemqorlyqqa qarsy qyzmet ókilderi taratqan habarlamada.

Túrmede zorlanǵan kelinshek 2009 jyly sottalǵan. Kolonıa qabyrǵasynda taǵy bir ret quqyqbuzýshylyq jasaǵan. Osy áreketi tergelip jatqan tusta ony Almatydaǵy SI-18 mekemesine aýystyrǵan. Qylmysker kelinshek osy mekemede júrip júkti bolǵan.

Esterińizge salsaq, qamaýdaǵy Natalá Slekıshınany zorlaý isi boıynsha aıyptalǵan tergeý ızolátorynyń qyzmetkeri Rýslan Hakımov 2016 jylǵy 30 qyrkúıek kúni 9 jylǵa bas bostandyǵynan aırylǵan bolatyn. «Slekıshınany zorlaý» oqıǵasy aqparat quraldary men áleýmettik jelide qyzý talqylanyp, úlken qoǵamdyq rezonans týǵyzǵan edi.