Tanymal ánshi Erke Esmahannyń burynǵy kúıeýi Asqat Sadyrbaıdyń anasy Orazgúl apaı ikerim.kz saıtyna eksklúzıvti suhbat berip, Erke Esmahan men uly Asqat arasyndaǵy jaıtty egjeı-tegjeıli baıandap berdi dep habarlaıdy Qamshy.kz.
Erke Esmahannyń enesi bolǵan Orazgúl apaı uly Asqattyń Erkege qol kóterýi múmkin emes degendi jetkizdi. Onyń aıtýynsha, onyń balalary áıelge eshqashan qol kótermeıdi.
"Ekeýi de eldiń aldynda júrgen adam. Asqat er azamat qoı. Erkeniń zaty – áıel. Asqatqa sabyr saqta dedik. Ol da ustamdy bola bildi. Óziniń qandaı adam ekenin biledi ǵoı. Árkim aıtqan sózine Allanyń aldynda, adamnyń aldynda jaýap beredi. Zıandy ádetterden aýlaq bolsa, ishimdik ishpese, shylym shekpese, artyq júrisi bolmasa er adam esh ýaqytta áıelge qol jumsamaıdy. Táýbe dep aıtaıyn, balalarym kelinshekterine qol kótermeıdi. Ana kórgen, ana syılaǵan bala ondaıǵa barmaıdy. Men eshqandaı múmkindik te bermeımin", - degen ol Erkeniń Asqatty «urdy» dep aıyptaǵan sál artyq bolǵanyn aıtady."Sebebi sabyrsyzdyq, qol alyp júgirip, ákireńdeý degen meniń balalaryma jat nárse. Ol elge solaı dep aıtty. Biraq el ózi elekten ótkizip, Erkeniń kim, Asqattyń kim ekenin ajyratyp aldy dep oılaımyn", - degen oıyn ashyp aıtty Orazgúl apaı.
Sonymen birge, Erkeniń burynǵy enesiniń sózine sensek, Erke úıden keterde neke júzigin Asqatqa qaraı laqtyryp jibergen.
"Sol sátte balam «qaıta qosylyp jatsaq taǵarmyn» degen úmitpen ǵana aıaq astynan kóterip alyp ketip qalǵan. Osy jaǵdaı oǵan «syılyqtaryn qaıtaryp aldy» dep aıtýǵa negiz boldy. Alla tek abyroı bersin. Erkege esh jamandyq tilemeımin. Qaıta duǵa, tilekterime qosyp otyramyn. Óıtkeni ol nemeremdi baǵyp otyr", - dep aǵynan jaryldy ana.
Asqattyń anasy Erkeniń jaman kelin bolmaǵanyn da aıtyp qaldy. Ol óte pysyq, tamaqty dámdi ázirleıtin kelin bolypty.
"Óte jaqsy kelin boldy. Birinshiden, óte taza. Ekinshiden, aqkóńil. Kúlip qarsy alady. Taǵamnyń túr-túrin, óte dámdi etip ázirleıdi. Qashan, qalaı úlgergenin de baıqamaı qalatynbyz. Qoly berekeli. İstegen asy kóbeıip ketedi. Dastarqandy jaıǵanda jaınatyp jiberedi. Sondaı jaıly kelin boldy", - deıdi ol.
Erkeniń erkeligin Asqattyń minezi kótere almady deıdi anasy. "Sebebi, áıel adam eriniń aıtqan sózine ıile almasa, erine qarsy shyqsa, onyń da kóńili qalary belgili", - deıdi shyndyqty aıtýǵa bekingen ana.
Anasynyń aıtýynsha, Asqat Erkege eshqashan óner kórsetýine qarsylyq tanytpaǵan, kerisinshe qoldap júrgen.
Búginde, Asqat Sadyrbaı Erkeden keıin taǵy bir ret shańyraq kótergen. Onyń búginde Zeıin esimdi uly bar. Asqattyń anasy ekinshi kelinin maqtap, onyń jaqsy kelin ekenin de atap ótti.
