Taldyqorǵanda Demel Botı Goa Tırolen Orfee esimdi fýtbolshynyń "Jetisý" klýbynan shyǵarylýyna baılanysty sot prosesi bastaldy,- dep habarlaıdy Qamshy.kz Tengrinews.kz-ke silteme jasap. Osy jyldyń maýsym aıynda taldyqorǵandyq fýtbol klýby bir jaqty tártipte legıonermen aradaǵy kelisim shartty buzǵan, álbette eks-forvard buǵan narazy bolǵan. Narazy bolǵan ol advokat jaldap sotqa aryz bergen.
Kot-D'Ivýar eliniń azamatynyń quqyǵyn sotta Esimbol Mamyrqanov qorǵaıtyn bolady. Onyń aıtýynsha, fýtbolshy jumystan zańsyz bosatylǵanyna baılanysty ony qaıta ornyna qaıtaryp, eki jaqty kelisim shart boıynsha 4 mıllıon 920 myń teńge jalaqyny ár aı saıyn alyp turý tıis.
"Jetisý" klýbynyń ókili Nurbolat Qudaıbergenuly sotta jaýap berýshi retinde Almaty oblysynyń ákimin shaqyrtýdy suraǵan (Klýb quryltaıshysy oblys ákimi). Aryz berýshiniń advokaty istiń kópke sozylyp ketenin baıqap, quryltaıshylardy shaqyrtýǵa qarsy shyqty.
"Sot myrza, fýtbolshylar kelisim shartty fýtbol klýbymen jasady, sondyqtan men proseske quryltaıshylardy shaqyrýǵa negiz taýyp turǵanym joq", - dedi qorǵaýshy.
Sot klýb ókiliniń aıtyp otyrǵan qajetti qujattar men fýtbolshynyń jalaqysyn rastaıtyn anyqtamalardy alyp kelýin talap etti. Sonymen qatar 15 qazanda ótetin kelesi proseske kýáger retinde klýbtyń bas dırektoryn jáne Almaty oblysy eńbek ınspeksıasynyń qyzmetkerlerin shaqyrýdy talap etti.
13 sáýirde Demelı Botı "Astana" komandasymen ótken oıynda jaraqat alǵan, sol kezden bastap klýb jetekshileri men fýtbolshy arasynda túsinbestikter bastalǵan. Ol eline baryp ota jasaǵan. Oǵan úsh aı boıy fızıkalyq kúsh túsirmeý kerektigi aıtylǵan. Ol oınap júrgen komandasyna kelgende komandadan shyǵyp qalǵanyn estigen.
