"Qazaqstan avıasıa zaýyty" reseılik "Taganrogskıı avıasıalyq ǵylymı-tehnıkalyq keshenimen" birige otyryp Petropavlda avıasıalyq zaýyt salýdyń iri ınvestısıalyq jobasyn qolǵa aldy. Bul týraly  NUR.KZ portalyna silteme jasap Qamshy.kz habarlaıdy.

Zaýyt 2020 jyly qoldanysqa beriledi dep kútilýde.

"Búginde ınvestorlar Petropavl halyqaralyq áýejaıy mańynan jer bólýdi suraýda. Investısıalyq damý mınıstrligi jáne Qazaqstannyń azamattyq avıasıa komıtetimen kelisimder jasalyp qoıǵan... Qurylysty 2017 jyly bastaý josparlanyp otyr. Alaıda búginniń ózinde "Qazaq ınvest" qarjy toby Taganroga zaýytynyń bir júk ushaǵyn satyp alyp, qoldanysqa engizip kórýge ázir", - deıdi SQO Indýstrıaldy-ınnovasıalyq damý basqarmasynyń basshysy Janat Sádýaqasov.

Sádýaqasovtyń aıtýynsha, Petropavlda ótken ekinshi halyqaralyq ınvestısıalyq forýmda Taganroga zaýytynyń bas konstrýktory Grýdının Iý.V. men Soltústik Qazaqstan oblysy ákiminiń orynbasary Ahmetov R.B. 67,1 mlrd teńge qarajatqa avıasıalyq zaýyt salý boıynsha ınvestısıalyq jobany iske asyrýǵa baılanysty memorandýmǵa qol qoıǵan.

"Bul joba boıynsha Be-132 modelindegi jolaýshy ushaqtaryn jylyna 70 bortqa deıin qurastyrý josparlanyp otyr. Bul ushaqtar qıyn meteojaǵdaılarda da usha alady. Qurastyrýshylar ushaqtyń uzaqqa shydas beretinine ýáde etýde", - deıdi "Qazaqstan avısaıa zaýytynyń" bas dırektory Anton Prodanov.