1. 16 jasta súıegiń qataıyp, dene músheleriń tolyq qalyptasa bastaıdy. Sondyqtan da shamadan tys zildeı aýyr salmaq kóterme. Sportpen nemese óte kóp kúsh jumsaýdy qajet etetin ispen esińnen tamǵansha aınalysýshy bolma. Bul seniń keleshek ómirińe qater. Árqaısymen kereginshe ǵana aınalys.
2. Aýzyńa araq (nemese sharap) tamshysyn aparýshy bolma. Temeki ustap ta, tartyp ta úırenbe. İshimdiktiń qanyńa ábden aralasqan árbir zárli mysqyly seniń jaqsy ósip kele jatqan dene múshelerińdi kúrt toqtatyp, baýyr, nerv júıelerin tez tozdyryp, sarytap bola bastaısyń. Sóıtip, túriń, dene músheleriń men densaýlyǵyń jaǵynan óz qataryńnan múlde qalyp, keıinnen dertti bola bastaısyń.
3. Eshqashan bir tamaqty toıa jeýshi bolma. Biraq, shamań kelgenshe durys tamaqtan. Qazaq dastarqanyndaǵy dástúrli taǵamdarǵa qosa, múmkindiginshe, jemister men kókenisterdi molyraq qabylda. Aǵarǵandy (sút, aıran, irimshik, qurt, qymyz, t.b.) dastarqannan qaldyrmaýǵa tyrys. Betaldy sháı iship, nan jeı berý óte zıan.
4. Ózińniń árbir kúngi ýaqytyńdy aldyn-ala naqty josparlap, atqaratyn isińe qaraı saǵat-saǵatqa bólip úıren. Búgingi sharýany erteńge qaldyrýshy bolma. Mezgilimen demala bil. Bilim alýdan tysqary mezgilde úı ishiń úshin aıanbaı eńbek etip úıren. Kitaptan alatyn bilim men qara jumys isteýden alatyn lázzatyń seni aldaǵy 4-5 jylda myqty azamat etip qalyptastyrady. Sonda sen óz qurdastaryńnan oq boıy ozyp ketkenińdi baıqaısyń.
5. Óz qataryńmen (dos-qurbylaryńmen), eresek adamdarmen (muǵalimderińmen, ata-anańmen, aýyl aımaqtaǵy egde kisilermen, t.b.) osy bastan aralasyp, ashyq sóılesip úırene ber. Olarmen aralasyp, erkin pikir almasý kezinde ómirden jınaǵan azdy kópti óz tájirıbeleriń men kitaptan alǵan bilimderińdi eptep qoldana basta. Kórgen bilgenińnen únemi qorytyndy shyǵara bil.

Mine, dosym! Osy aıtylǵan ómirlik daǵdylardy birte birte óz boıyńa sińirip, izdene tússeń, sen kóp uzamaı 4-5 jylda jurt kózine bilimdi, isker, izdenimpaz, qysqasy óte kórnekti jigit bolyp shyǵasyń. Ármen qaraı seniń ómir jolyń...ózinen ózi saırap jatady.