Osydan birer jyl buryn oblys ortalyǵyna jaqyn ornalasqan aýdandardyń 41 eldi mekeni Shymkent qalasynyń quramyna berilip, oblys ortalyǵynyń aýmaǵy ulǵaıdy. Endi «qalalyq» mártebesine ıe bolǵan aýyldarda mal ustaýǵa bola ma? Qańǵybas ıt-mysyqtan qaıtsek qutylamyz? Satylymǵa túsken et, sút, qus, balyq ónimderiniń sanıtarlyq jaǵdaıy qanshalyqty qadaǵalanýda? Shymkent qalasy ákiminiń orynbasary T.Baımuhanov bastaǵan veterınarlar jýyrda osy máselelerdi «dóńgelek ústel» májilisinde talqylap, turǵyndar tarapynan túsken birqatar saýaldarǵa jaýap bergen bolatyn,-dep habarlaıdy QAMSHY.KZ
Suraq: Shymkent quramyna qosylǵan 41 aýyl veterınarıa salasyndaǵy 41 túrli problemasymen kelgen bolar. Jalpy, Shymkent qalasynda veterınarıa salasynda qandaı jumystar atqarylýda?
Tımýr BAIMUHANOV, Shymkent qalasy ákiminiń orynbasary, ekonomıka ǵylymdarynyń doktory:
– Shymkent – búkil ortaazıalyq iri qalalardyń ishinde biregeı agroazyqtyq beldeýge ıe qala bolyp tur. Búginde qalanyń jalpy aýmaǵy 116 myń gektarǵa jetti. Qala aýmaǵynyń 50 paıyzy aýyl sharýashylyǵy jerleri jáne onyń kólemi 2014 jylǵa qaraǵanda 6 esege ósti. Al, iri qara mal sany – 70 myńǵa, qus basy 700 myńǵa artty. Agroqurylymdar sany 4 myńǵa kóbeıdi. Sonyń ishinde: óndiristik kooperatıvter – 2 esege, sharýa qojalyqtary 15 esege ósken.
Osy jaǵdaıda veterınarıa salasynyń damýy – búgingi kúnniń basty talaptarynyń biri. Ákimdik qurylymyndaǵy aýyl sharýashylyǵy jáne veterınarıa bólimi bul baǵytta irgeli jumystar atqarýda. Qala ákiminiń tapsyrmasyna oraı 2016–2020 jyldarǵa arnalǵan damý konsepsıasy ázirlenip, soǵan sáıkes aýyl sharýashylyǵy jáne veterınarıa salasyn damytý jumystary júrgizilýde.
Aıta keterligi, Shymkent qalalyq «Veterınarıalyq qyzmet» memlekettik komýnaldyq kásipornynyń bıylǵa deıin óziniń qyzmettik ǵımaraty, kólik turaqtary jáne dári-dármek saqtaıtyn qoımalary bolmaǵan. M.Áýezov atyndaǵy Ońtústik Qazaqstan memlekettik ýnıversıtetimen kelissózder júrgizilip, búginde bul máseleler sheshildi. Ýnıversıtet stýdentteri bilimin «Veterınarıalyq qyzmet» MKK-da tájirıbemen ushtastyrady, al, oqý orny qyzmettik bólmeler, kólik turaǵy, dári-dármek saqtaıtyn qoımamen qamtamasyz etti. Sóıtip, 37 stýdent dýaldik oqytý ádisi boıynsha veterınarlyq jumystarǵa tartyldy.
Sondaı-aq, qalaǵa qosylǵan eldi mekenderde bári – jeke sektordaǵy úıler, ıaǵnı, qala mańynda turatyndardyń kópshiligi qosalqy sharýashylyqpen aınalysady. Munda ádette mal sharýashylyǵyna qatysty qaǵıdalar, veterınarlyq-sanıtarlyq normalar saqtala bermeıdi. Al, qalada mal ustaýdyń óz erejesi bar. Bizdi, ásirese, qalada qańǵybas ıtter men mysyqtar sanynyń kóbeıýi alańdatady. Al, olardan adam densaýlyǵyna qaýipti aýrýlar taraıdy. Bıyl M.Áýezov atyndaǵy OQMÝ, Shymkent qalasynyń aýyl sharýashylyǵy jáne veterınarıa bólimi, «Vtoraıa jızn» JSHS qoǵamdyq qory jáne «Veterınarıalyq qyzmet» MKK-niń uıymdastyrýymen «Qańǵybas ıt pen mysyqtardyń máselesi jáne ony sheshý joldaryn izdeý» taqyryby aıasynda tájirıbelik konferensıa ótti. Bul máselemen kúresý úshin aldaǵy ýaqytta baǵdarlama qabyldanyp, sol baǵdarlama negizinde jumys júrgiziledi.
B.DARǴOJINA okg.kz
