T.Júrgenov atyndaǵy Qazaq Ulttyq Óner Akademıasynyń burynǵy túlegi Eńlik Sydyqova mádenıet jáne sport mınıstri Arystanbek Muhamedıulyn «qyzdarǵa qyryndaǵysh» dep aıyptady,- dep habarlaıdy Qamshy.kz Kazday-ge silteme jasap. Qyzdyń aıtýynsha, «ol otyrǵan qyzmetine laıyq emes».
Facebook paraqshasynda jarıalanǵan vıdeojazbada Eńlik 2011 jyly QazUÓA –ǵa oqýǵa tapsyrǵanyn baıandaıdy. Jas qyz oqýǵa tapsyratyn kezde emtıhanǵa keshigip kelip, mekeme qyzmetkerlerine ruqsat suraýǵa barǵan, ol kezde Arystanbek Muhamedıuly QazUÓA –nyń basshysy qyzmetinde otyrǵan.
Eńliktiń sózine sensek, birinshi kezdesýde rektor máseleni 3000 dollarmen sheshýdi usynǵan.
« Aıtylǵan soma meni biraz abyrjytty, biraq ol Oqý ornynda oqý meni odan arman alańdatty. Men oılanýǵa ýaqyt kerek ekenin aıtyp, ketip qaldym. Syrtta meni ápkem kútip turǵan, úıge bara jatqan jolda rektordyń kómekshesiniń qońyraýynan telefonym tynym tappady. Ol Arystanbek Muhamedıulynyń menimen qaıta sóıleskisi keletinin aıtty», — deıdi Eńlik.
Ekinshi kezdesýde rektor oǵan basqa usynys jasaǵan.
«Ol meniń qaıda, kimmen turatynymdy surady. Sosyn bylaı dedi: «Sen menimen qonaqqa barasyń ba, sharap iship, bı bılep, kóńil kóteremiz». Men bul sózderdi osyndaı syıly adamnan estigemine qatty tań qaldym»- dep áńgimesin jalǵastyrady qyz.
Ol bul usynystan da bas tartqan, biraq ýnıversıtetke oqýǵa túsken.
Qyz rektordyń mundaı usynysyn alǵan toptaǵy jalǵyz qyz emes ekenin, bul málimdemeni rejıserlerge qoldaý bildirý úshin jasaǵanyn aıtady.
Qazaqstandyq rejıser Talǵat Janybekov shildeniń 12 kúni onyń «Fenıks» atty jobasynyń buǵattalǵanyn málimdedi. Kartına avtorynyń oıynsha, fılmdi qarjylandyrý mádenıet mınıstri Arystanbek Muhamedıulynyń kesirinen toqtap tur. Janybekov mınıstrlikte óndiris qaıta jańarý úshin «aýyzbastyryq» suraǵan.
Maýsymnyń 19 kúni QR mádenıet jáne sport mınıstri Arystanbek Muhamedıuly rejıser Janybekovty sotqa berdi. Muhamedıuly ózin jaman atqa qaldyratyn dáıeksiz aqpardy joqqa shyǵaryp, sımvolıkalyq moraldi shyǵyn retinde 1 teńge aıyppul tóleýdi talap etken.
Keıinnen shaǵymdanýshynyń ótinishi qaraýsyz toqtatylyp, QR mádenıet jáne sport mınıstri Arystanbek Muhamedıulynyń atyna ashylǵan qylmystyq is oqıǵalardyń jáne qylmys nyshandarynyń joqtyǵynan jabyldy.
Qazan aıynda Muhamedıulynyń rejıserdi qylmystyq jaýapqa tarqany belgili boldy. Mádenıet jáne sport mınıstri Talǵat Janybekovty jala japty dep aıyptady.
Búginde Eńlik Sydyqovanyń málimetine baılanysty Qaznette #OTSTAVKÝMÝHAMEDIULY heshtegi qyzý júrip jatyr.
