Suraq: Jaz aılarynda ishki saýda nysandarynda (bazarlar, sýpermarketter, marketter) satylymǵa túsken et, sút, qus, balyq ónimderine veterınarlyq-sanıtarlyq baqylaý jáne qadaǵalaý jumystary qalaı júrgiziledi?-dep habarlaıdy QAMSHY.KZ

Beglan ABDIHAEV, Shymkent qalalyq aýyl sharýashylyǵy jáne veterınarıa bólimi tamaq ónimderiniń qaýipsizdigin baqylaý jáne qadaǵalaý sektorynyń meńgerýshisi:

– Shymkent qalasynyń iri azyq-túlik bazarlaryna, sýpermarketterge jáne marketterge memlekettik veterınarlyq dárigerler bekitilgen.

 Ishki saýda nysandaryna satylymǵa túsken mal ónimderi mindetti túrde veterınarlyq saraptamadan ótýi tıis, tekserýden ótpegen ónimder satylymǵa jiberilmeıdi. Zerthana mamandary et ónimderin, ıaǵnı mal etiniń ushasyn, ishki músheleri men basyn, qoljetimdi barlyq lımfa túıinderin ashyp qarap jáne ishki múshelerin tile otyryp, organoleptıkalyq (túsi, ıisi, t.b.) jolmen tekseredi. Ónim kúdikti bolǵan jaǵdaıda synama alynyp, zerthanada qosymsha zertteýler júrgiziledi. Nátıje sapaly bolǵan jaǵdaıda ǵana saraptaý aktisi toltyrylyp, satylymǵa jiberiledi.

Ishki saýda obektilerinde mal ónimderin satyp alý kezinde mindetti túrde veterınarlyq saraptaý zerthanasynyń aktisin suraǵan abzal jáne mal etinde saraptaýdan ótkeni jónindegi mór basylǵandyǵyna nazar aýdarý qajet. Bular bolmaǵan jaǵdaıda ónimdi alýdan bas tartyp, sol obektilerge bekitilgen memlekettik veterınarlyq dárigerge habarlasqan jón. Dáriger tabylmasa, Shymkent qalasynyń aýyl sharýashylyǵy jáne veterınarıa bóliminiń 39-04-21 senim telefonyna habarlasýǵa bolady.

 B.DARǴOJINA http://okg.kz/