Mal bazarlaryna qoıylatyn arnaıy talaptar jaıly halyq kóp bile bermeıdi. Mal bazarlarǵa satylymǵa shyǵarylatyn tórt túlik ıelerine qandaı talaptar qoıylady? Bul suraqqa zań júzinde jaýap izdesek, mamandar ne der eken dep habarlaıdy QAMSHY.KZ

Áýez MYŃBATYROV, Shymkent qalalyq aýyl sharýashylyǵy jáne veterınarıa bólimi tamaq ónimderiniń qaýipsizdigin baqylaý jáne qadaǵalaý sektorynyń bas mamany:

– QR «Veterınarıa týraly» Zańy 32-babynyń talaptaryna sáıkes úı janýarlarynyń barlyǵy birdeılendirilýi tıis jáne derekqor bazasyna endirilýi qajet. Osyǵan sáıkes mal bazarǵa satylymǵa túsetin janýardyń ıesi turǵylyqty jeriniń qolaıly aımaq ekeni jóninde veterınarlyq anyqtamany, janýardyń tólqujatyn, asa qaýipti juqpaly aýrýlarǵa qarsy egý is-sharasy týraly málimetti kórsetýi tıis. Iri qara, ýaq maldarda syrǵa, jylqy malynda tańba (tabro) bolýy qajet.

Árbir aýdandaǵy sharýashylyqtarda, onyń bólimderinde bilikti mal dárigerleri jumys istedi. Olar el aralap júrip maldyń aýrýǵa shaldyqpaýyn qatty qadaǵalady. Burynǵy men qazirgi jaǵdaıdy salystyrsaq, búgingi kúni maldyń saý bolýy eń aldymen sol maldyń ıesin alańdatady. Keńes ókimeti tusynda mal memlekettiń menshiginde boldy. Al qazir mal halyqtyń jekemenshiginde. Aýrý mal shyqsa, dereý baqylaýǵa alynyp, ózge óńirge tarap ketpeýi úshin veterınarlyq jumystar júrgizildi. Vaksına jetkilikti boldy. Al qazir bir aýdanda qansha mal basy bar, soǵan oraı ǵana sanaýly dári-dármek beriledi. 

Joǵaryda kórsetilgen qujattar bolmasa tórt túlik mal bazarlarǵa satylymǵa jiberilmeıdi. Bul jóninde saýda ornynyń kireberisine jáne qala kóshelerindegi bılbordtarǵa habarlama berilgen.

Osy zań talaptarynyń saqtalýy halyq arasynda asa qaýipti juqpaly indetterdiń taralýyn boldyrmaýǵa jáne mal urlyǵynyń aldyn alýǵa múmkindik beredi. Veterınarlyq qaýipsizdik – halyqtyń saýlyǵyn saqtaýdaǵy mańyzdy qadam.

B.DARǴOJINA http://okg.kz/