Mal ishinde asa qaýipti juqpaly aýrýlardyń aldyn alý Shymkent qalasynyń turǵyndaryn tolǵandyryp júrgen saýal.  Sebebi aýrýdy boldyrǵansha aldyn alý, saqtyq sharalardy bilgen durys qoı. Osy oraıda  mamandar pikirine qulaq assaq,-dep habarlaıdy   QAMSHY.KZ

Baqytjan BEGMANOV, Shymkent qalalyq aýyl sharýashylyǵy jáne veterınarıa bóliminiń veterınarıa sektorynyń meńgerýshisi:

– Aýrý juqtyrmaý úshin ıeligindegi malǵa durys kútim jasalýy qajet. Úı janýarlaryna aýrý alımentarlyq jolmen, ıaǵnı jem-shóp, sý, aýa arqyly, aýrý malmen janasqanda juǵady. Veterınarıa salasyndaǵy zańnama boıynsha ıeleri malynyń nemese úı janýarlarynyń aýrýǵa qarsy egilýine, zerttelýine jáne olardyń birdeılendirilip, derekter qoryna enýine jaýapty. Maly aýyrsa nemese aýyrǵandaı bolyp kúdik týdyrsa, mindetti túrde veterınarǵa habarlasýy qajet. Jáne veterınar kelgenshe malyn ózge saý maldardan oqshaýlap qoıýy kerek. Malyn satqanda nemese etke soıar aldynda mamandardan arnaıy úlgidegi anyqtamalar alýy tıis. Al satyp alǵan kezde veterınar dárigerge habarlasyp, malyn esepke qoıýy kerek. Ishki saýda obektilerine kelip túsken ónimdi saýdalaǵan kezde olardyń saraptamadan ótkendigi týraly anyqtamasyn talap etken jón. Osyndaı sharalardy muqıat ustanǵan jón. 

Qazirde tarıhtyń qaltarysynda qalyp bara jatqan Keńes ókimeti kezinde sovhozdar men kolhozdardaǵy túrli fermalarda 20-30 myń bas qoı, myńdaǵan bas sıyr, jylqy ósirilgen edi. Árbir aýdandaǵy sharýashylyqtarda, onyń bólimderinde bilikti mal dárigerleri jumys istedi. Olar el aralap júrip maldyń aýrýǵa shaldyqpaýyn qatty qadaǵalady. Burynǵy men qazirgi jaǵdaıdy salystyrsaq, búgingi kúni maldyń saý bolýy eń aldymen sol maldyń ıesin alańdatady. Keńes ókimeti tusynda mal memlekettiń menshiginde boldy. Al qazir mal halyqtyń jekemenshiginde. Aýrý mal shyqsa, dereý baqylaýǵa alynyp, ózge óńirge tarap ketpeýi úshin veterınarlyq jumystar júrgizildi. Vaksına jetkilikti boldy. 

B.DARǴOJINA  http://okg.kz/