Arnaıy jumys toby ótkizgen zertteý sharalary nátıjesinde 99 munaı-servıstik kompanıada jumystan bosatý qaýpi bar ekeni anyqtaldy. Bul mekemelerde 44 myńǵa jýyq adam jumys isteıdi. Búginde mınıstrliktiń qoldaýyn qajet etetin jumysshylardyń úsh toby anyqtalyp otyr. Bul týraly úkimettiń kezekti otyrysynda QR Densaýlyq jáne áleýmettik damý mınıstri Tamara Dúısenova aıtty, dep xabarlaıdy Baq.kz tilshisi, - dep habarlaıdy Qamshy.kz  Baq.kz saıtyna silteme jasap.

«Birinshi topta 1239 adam bar. Olar 52 kásiporynda qyzmet etip, bıyl jumystan shyǵarylǵan bolatyn. Atalǵan jumysshylardyń basym bóligi Aqtóbe men Mańǵystaý oblystarynda», - dedi T.Dúısenova.

Mınıstrdiń sózine qaraǵanda, osy ýaqytqa deıin san alýan baǵdarlamalar boıynsha jumyssyz qalǵan 325 adam turaqty jumys tapty. 355-si qaıta daıarlaý kýrstarynan ótti. Olardyń ishinde ýaqytsha jumysqa turǵandar da bar. Taǵy 100 adam ózdigimen jumys taýyp aldy. Qazirgi kezde qalǵan 500 adamdy jumysqa ornalastyrý jumystary jalǵasyp jatyr.

«Ekinshi topqa 22 kásiporynnyń jumysshylary kirdi. Sebebi olardyń jumysy turaqsyz kestege aýystyryldy. Ondaı jumysshylar sany 3 200 adamdy qurap otyr. Olardyń 1316-sy jumys istemeıdi. Óıtkeni kásiporyndardyń jumysy toqtaǵan. 1290-y merzimsiz demalysqa jiberilse, 594-i tolyqqandy jumys istep jatqan joq», - dedi mınıstr xanym.

Al úshinshi topqa aldaǵy ýaqytta jumyssyz qalady-aý degen azamattar enip otyr. Olardyń barlyǵy – Atyraý oblysyndaǵy kásiporyndardyń jumysshylary. Aldaǵy eki jylda atalǵan oblysta 3 804 adam jumyssyz qalady degen boljam bar.

Mınıstr T.Dúısenovanyń aıtýynsha, aldaǵy ýaqytta Teńizshevroıldy keńeıtý jobasy aıasynda qosymsha 20 myń jańa jumys ornyn ashý josparlanyp otyr. Osynyń esebinen jumyssyz qalǵan azamattardy qyzmetke turǵyzý josparlanǵan. Budan bólek, ındýstrıaldyq-ınnovasıalyq baǵdarlama men jumyspen qamtýdyń basqa da sharalaryn qoldaný qarastyrylyp otyr.