Mankent qalasynda (Ońtústik Qazaqstan oblysy) qazaq tili sabaǵy kezinde ońbaı taıaq jegen besinshi synyp oqýshysy Abıdın Yrystaev bas-mı súıegi jaraqatyn alyp aýrýhanaǵa tústi. Tótenshe jaǵdaı № 64 mektepte sáýir aıynda bolǵan. Áıtsede ol týraly endi ǵana belgili bolyp otyr. Bul týraly Qamshy.kz Stan.kz-ke silteme jasap habarlaıdy.

Balanyń ákesiniń aıtýynsha muǵalim balanyń basyn partaǵa urǵan. “21 sáýir kúni keshkisin jumystan kelgen kezde ulymnyń birneshe ret esinen tanyp qalǵanyn bildim. Biz sosyn ortalyq aýdandyq aýrýhanaǵa qaraldyq. Ony bas-mı súıeginen jaraqat alǵan dep jansaqtaý bólimine jatqyzyp, onda úsh kún boldy. Alaıda ony osydan soń gaımorıt degen dıagnozben juqpaly aýrýlar bólimine jatqyzdy”, – deıdi Sheráli Zýndınov.

Ákesiniń sózinshe, jarty jyl ótken soń onyń ulynyń kórý qabileti de nasharlaı bastaǵan. Al muny jónge keltirý úshin oǵan qymbat operasıa jasalý kerek eken. Ashýǵa mingen áke birden polısıa men aýdandyq bilim bólimine aryz azǵan. Alaıda ne mektep ákimshiligi, ne qamqorshylyq organdary eshqandaı shara qabyldamapty.

“Sol kúni  dıktant jazý kerek boldy. Men úlgermeı qaldym. Al muǵalim meni eki ret basymdy partaǵa urdy. Qatty aýyrdy. Sosyn qasyma synyptasymdy ertip úıge jiberdi. Jolda men birneshe ret esimnen tanyp qaldym”, – deıdi oqýshynyń ózi.

Telearnanyń málimetinshe, qazir balanyń quqyǵy úshin prokýror Erken Aǵabekov kúresip jatyr. “Nur Otannyń” qoǵamdyq qabyldaýyzardap shegýshiniń ákesine taǵy bir ótinish jazyp berýin jáne shara qabyldaıtyndyǵyna ýáde bergen.