Qytaıdyń soltústik-batysynda ǵasyrdan astam ýaqyt jasaǵan ájeı ózinen kishi er adamǵa turmysqa shyqty. Bul týraly  Qamshy.kz  habarlaıdy Stan.kz-ke silteme jasap.

Saltanatty jaǵdaı Uıǵyr avtonomıalyq aýdanyna qarasty Bachý Sınszán ólkesinde bolǵan. 71 jastaǵy Chjen esimdi er adam óziniń ǵashyǵyna bir jyldaı ter tógip júrip qol jetkizipti. Ol birneshe ret usynys jasaǵanyna qaramastan, áıel oǵan qarsylyq bildirip kelipti. Ájeı ózinen 43 jas kishi er adammen kóńil jarastyrýǵa uıalǵan syńaıly.

Alaıda er adam tabandy bolyp shyqty. Olardy birge turatyn qarttar úıiniń qyzmetkerleri de qoldaǵan. Tek 114 jasqa tolǵan kúni ol erekshe usynysqa kelisim bergen.

Chjenniń aıtýynsha, ol ǵashyǵyn bir kórgennen súıip qalǵan. “Men eshýaqytta osy bir baqytty sátke jetemin dep oılamadym. Bizdiń aramyzdy ólim bólgenshe onymen birge bolamyn”, – deıdi jas kúıeý.