Qazaqstanda aldaǵy jyly zeınetaqy mólsheri artatyny belgili boldy. 2017 jyly Qazaqstanda bazalyq zeınetaqy kólemi artyp, 12 myń 802 teńgeni quraıdy, - dep habarlaıdy Qamshy.kz.

«Áleýmettik járdemaqy 7 paıyzǵa kóteriledi. Zeınataqy orta eseppen 20 myń 167 teńgeni quraıdy», – dep málimdedi QR Densaýlyq saqtaý jáne áleýmettik damý vıse-mınıstri Birjan Nurymbetov 2017-2019 jyldarǵa arnalǵan respýblıkalyq búdjet zań jobasyn sholý jónindegi jıynda.

Onyń aıtýynsha, 2017 jyldyń qańtar aıynan bastap barlyq áleýmettik járdemaqylar 7 paıyzǵa kóteriledi.

Sonymen qatar, 2018 jyldyń 1 qańtarynan bastap áleýmettik damý konsepsıasyn júzege asyrý qolǵa alynady.

«Ózgertýler engizý úshin qosymsha shyǵyndar eseptelýde. 2018 jylǵa qarastyrylyp otyrǵan bazalyq zeınetaqy, asyraýshydan aıyrylǵan jaǵdaıdaǵy járdemaqylar – 63 mlrd teńge, al 2019 jylǵa 88 mlrd teńgege kózdelip otyr», – deıdi vıse-mınıstr.