Jýyqta Ońtústik Qazaqstan oblystyq ákimdikte kezekti jıynda eti juǵymdy, terisi baǵaly qarakól sharýashylyǵyn damytý joldary talqylanǵan bolatyn.

Ońtústik Qazaqstan oblysynda 11 sharýashylyq, sonyń ishinde Otyrar aýdanynda «Juman», Sozaqta «Qaraqur» óndiristik kooperatıvteri qarakól qoıyn ósirýmen aınalysady. Oblystyq aýyl sharýashylyǵy basqarmasynyń basshysy Serik Turbekovtiń aıtýynsha, qazir dúnıe júzinde quıryqty qoıdan góri, quıryqsyz qoıǵa suranys artyp otyrǵan syńaıly. Osy salany alǵa shyǵarý úshin ártúrli jaǵdaılar oılastyrylýda. «Shóleıt jerdiń shalǵynyn qorek etetin qoıǵa ońtústik tabıǵaty asa qolaıly keledi. Sozaq, Báıdibek aýdandarynda myńǵyrǵan mal sıatyn jaıylymdar bos jatyr. Betpaqdala shalǵyn ósirýge qolaısyz bolǵanymen, qoı sharýashylyǵyn damytýǵa yńǵaıly» dedi S.Turbekov.

Bul jıynǵa qarakól sharýashylyǵynan áli de qol úzbegen Qyzylorda jáne Mańǵystaý oblystarynan arnaıy delegattar keldi. Ózderiniń is-tájirıbesinen derek keltirip, palata jaıly óz oılaryn ortaǵa salǵan bolatyn.

            Palatanyń atqaratyn qyzmeti áralýan. Asyl tuqymdy qoılardy ónimdilik baǵyty boıynsha seleksıalyq asyldandyrý bazasyna esepke alý jáne tirkeýdi uıymdastyrý, joǵary jáne orta oqý oryndarymen birge stýdentterdiń óndiristik tájirıbesin jolǵa qoıý, konsaltıńtik qyzmet kórsetý, qarakól qoı sharýashylyǵy mamandaryn qaıta daıarlaý jumystary, sondaı-aq, respýblıka kóleminde jáne shetelderde atalǵan sharýashylyq ónimderin satý, memlekettik jáne granttyq baǵdarlamalarǵa kórmeler uıymdastyrý tárizdi mindetterdi oryndaıdy.

Baıan DARǴOJINA. «Ońtústik Qazaqstan». http://okg.kz/