«Amankeldi» JSHS-gi  150 tonnaǵa jýyq júzim eksporttaýda. 

Seriktestikte  275 gektarǵa alma, 88 gektarǵa shabdaly, 31 gektarǵa shıe, 94 gektarǵa alhory, 25 gektarǵa órik, 17 gektarǵa almurt, 115 gektarǵa júzim egilgen. Bul tamshylatyp sýǵarý ádisin qoldanatyn seriktestik jumysynyń bir baǵyty ǵana,-dep habarlaıdy Qazyǵurt aýdany ákiminiń baspasóz qyzmeti.

– Bıyl 150 gektardaı jerge egilgen júzimdi  baptaý ońaı bolǵan joq, – deıdi  seriktestik  basshysy Nurlan Quralov. – Aýa raıy qolaısyz bolǵandyqtan, ósimdikti aýrýdan aman saqtaý úshin zıankesterge qarsy birneshe ret dárileýge týra keldi. Sonyń nátıjesinde jaqsy ónim alynýda.   Júzimder Almaty, Astana sıaqty iri qalalarmen birge, elimizdiń ózge de óńirlerinde satylýda. Al, qazir reseıdiń Máskeý, Novosıbırsk, Ekaterınbýrg sıaqty  qalalaryna eksportqa jiberip jatyrmyz. Búgingi tańda 150 tonnadan astam júzim, 100 tonnaǵa jýyq alma, sondaı-aq, shabdaly, kıva, almurt, alhory sıaqty ónimder eksporttaldy. Aýdan ortalyǵynan, Qyzylqıa, Qaqpaq, Qyzyltań aýyldyq okrýgteri boıynsha 300-den astam adam eńbek etýde. 

Qazir sharýashylyqtyń 2 myń tonnalyq kókenis saqtaý qoımasynda myń tonnaǵa deıin ónim qoıylyp saqtalýda. Ondaǵy maqsat – jergilikti naryqty jyl boıyna balǵyn kúıinde saqtalǵan jemispen qamtamasyz etý.