Egin sharýashylyǵy boıynsha júrgizilgen júıeli ártaraptandyrýdyń arqasynda 1991 jylmen salystyrǵanda maıly daqyldardyń egis kólemi 73,0 myń ga. artyp - 80,0 myń ga., baqsha 49,0 myń ga. artyp – 59,0 myń ga., kókónis 27,0 myń ga artyp - 40,4 myń ga., kartop 9,0 myń ga artyp – 15,3 myń ga. qurady. Sáıkesinshe egis kólemimen qatar alynǵan ónim kólemi de artty. 1991 jyly oblys boıynsha 163,4 myń tn. - kókónis, 127,0 myń tn. - baqsha, 50 myń tn. - kartop óndirilse, bıylǵy jyly 866,0 myń tn. kókónis (+702,6 myń tn.), 1290,0 myń tn. baqsha (+1163,0 myń tn.), 260,0 myń tn. kartop (+210,0 myń tn.) jınaldy.
Bıylǵy jyly ortasha eseppen - 470,0 myń tn. astyq jınaldy. Túsimdiligi ortasha 22,0 sn/ga. qurap (1991 j. 17,8 sn/ga.), Qazaqstannyń Táýelsizdik kezeńindegi eń úlken rekordtyq kórsetkishke qol jetkizip otyrmyz.
Osy jyldarmen salystyrǵanda maqtanyń egis kólemi ózgermegenimen, ónimdilikti 27 sn/ga. kóterýdiń, óndiriske jańa tehnologıalardy engizýdiń arqasynda aǵymdaǵy jyly 277,0 myń tn. maqta jınaý kútilýde nemese 64, myń.tn arttyq. (1991 j. 19,1 sn/ga. 213 myń tn. ónim) .
Memlekettik qoldaýdyń arqasynda jemis-jıdek daqyldary men júzimniń kólemin ulǵaıtý jumystary qarqyndy júrgizilýde. Búgingi kúni jemis-jıdek pen júzimniń kólemi 30,0 myń ga. quraıdy. Onyń ishinde ónimdiligi joǵary 2100 ga ıntensıvti baýlar. Aǵymdaǵy jyly jemis jıdektiń ár gektarynan 90,0 s/ga (125,0 myń tn), júzimnen 107 sn/ga (73,0 myń tn) jalpy 198,0 myń tn. ónim jınaý kútilýde. Bul táýelsizdik jyldaryndaǵy rekordtyq kórsetkish. 1991 jyly jemis-jıdek jáne júzimnen 60,9 myń tn. ónim alynǵan bolatyn.
Kórsetilip jatqan qoldaýlardy maqsatty paıdalanýdyń arqasynda, sý sharýashylyǵy obektilerin qalpyna keltirý, aınalymnan shyǵyp qalǵan jerler qaıta aınalymǵa qosý, sýarmaly jerlerdiń kólemin ulǵaıtýǵa jáne egin, mal sharýashylyǵynyń damýyna orasan zor kóńil bólinýde. 2009 j. aýyl sharýashylyǵy jerlerine túgendeý jumystary júrgizilip, 103 myń ga. sýarmaly jerdiń aınalymnan shyǵyp qalǵany anyqtalyp, «Jol kartasy» baǵdarlamsy aıasynda, 2009 j. 44,0 myń ga., 2010 j. 33,0 myń ga., 2011 j. 26,0 myń ga. jer aınalymǵa qosylyp, nátejıesinde 14,0 myńnan astam jańa jumys oryndary ashylyp, qosymsha jyl saıyn 45,0 mlrd. tg. ónimi óndirilýde.
Sonymen qatar, 2012 – 2016 j.j. sýarmaly jerlerdiń kólemin ulǵaıtý is-sharasy boıynsha 90,0 myń ga jerler qaıta aınalymǵa qosyldy.
Ortasha eseppen Respýblıka boıynsha óndirilgen maqtanyń - 100 %, júzimniń - 65 %, baqshanyń - 66 %, maqsarynyń - 40 %, jemis-jıdektiń - 31 %, kókónistiń - 24 % oblystyń enshisinde.
