Táýelsizdik jyldarynda Ońtústik Qazaqstan oblysynyń aýyl sharýashylyǵy da basqa salalarmen qatar qarqyndy damý ústinde.
Osy jyldar ishinde sala burynǵy ujymshar-keńshar júıesi negizin quraǵan ejelgi qatynastardan agrarlyq sektor tolyǵymen jeke menshikke ótti.
Agroónerkásip keshenin reformalaý 1991 jyly bastalǵan bolatyn jáne ol buralań jol túrinde, ıaǵnı 1992-1994 jyldary naryqtyq qatynastarǵa kóshýdiń aýyrtpalyq kezeńin ótkizdi. Osynyń áserinen aýyl sharýashylyǵy salasynyń kórsetkishteri 1996 - 1997 anaǵurlym tómendedi. Atap aıtqanda 1991 jylmen salystyrǵanda barlyq egis kólemi 40 %, mal basy 30-40 paıyzǵa, qus basy 78 paıyzǵa kemip, aýyl sharýashylyǵy ónimderin óndirý kólemi edáýir azaıdy.
1999 jyldan bastap aýyl ómirinde túbegeıli ózgerister jáne ony qarjylyq saýyqtyrý bastaldy. Árbir aýylda jumys jasaýshyǵa onyń múliktik paıy men shartty jer úlesine quqyq beretin kýálik berý arqyly ujymdyq menshik qalyptasyp, jumys jasaýshy adam sharýashylyq júzgizý túrin derbes tańdaý múmkindigin aldy.
Aýyldy reformalaý bastalǵaly beri aýyl azamattarynyń kóz qarasy ózgerip, olar naryqtyq ekonomıkanyń jaǵdaılaryna kóndige bastady. Óziniń aýyl sharýashylyq óndirisi máselelerin derbes sheshetin naǵyz jer ıesi paıda boldy. Ózderiniń paılary men úlesterin alǵan jańa menshik ıeleri derbes sharýa qojalyqtaryn quryp, óz qalaýlarymen óndiristik kooperatıvterge, aksıonerlik qoǵamdarǵa jáne túrli seriktestikterge birikti.
Nátejıesinde, 1999 jyldyń aıaǵynda burynǵy 182 ujymshar-keńshar jáne memlekettik sharýashylyqtar bazasynda jeke menshikke negizdelgen 20,0 myńnan astam aýyl sharýashylyǵy qurylymdary paıda boldy. Búgingi kúnge olardyń sany 70,0 myńnan asty. Bul basqa óńirlermen salystyrǵanda eń joǵarǵy kórsetkish.
