Ońtústik Qazaqstan oblysyndaǵy jylyjaılardyń kólemi 2009 j. 124 ga. quraǵan bolsa, búgingi kúnge bul kórsetkish 9 esege artyp, jalpy kólemi 1112 ga. jetti (Respýblıkalyq kórsetkishtiń 87%).
Búgingi tańda jylyjaılar esebinen birinshi aınalymnan 120 myń tn. ónim óndirildi, jyl sońyna deıin taǵy da 80,0 myń tn. ónim óndiriletin bolady, jylyjaılardan alynǵan ónim arqyly oblys, Respýblıka turǵyndaryn qys jáne erte kóktem merzimderinde sapaly kókónis ónimderimen qamtamasyz etýge qol jetkizilip otyr.
Oblys turǵyndaryn qysqy jáne erte kóktemgi mezgilde qol jetimdi baǵada jemis - kókónis ónimderimen qamtamasyz etý úshin, óńirde sıymdylyǵyn 220,0 myń tn. jemis-kókónis saqtaý qoımalary bar (Respýblıkalyq kórsetkishtiń 5/1 bóligi).
Sonymen qatar, sońǵy úsh jylda jerdi jańa ádispen paıdalaný jumystary júrgizilýde. Aǵymdaǵy jyly tereń qopsytý tehnologıasy 86,0 myń ga engizildi.
Tájirıbe júzinde maqtadan ortasha eseppen 26 – 27 sn/ga. ónim alynsa, tereń qopsytý tehnologıasyn engizgen sharýashylyqtar 40 – 45 sn/ga. ónim alýda. Atalǵan tehnologıanyń katty topyraq ylǵaldylyǵyn saqtaýdaǵy tıimdiligin eskere otyryp, aldaǵy ýaqytta bul tehnologıany basqa daqyldar men tálimi jerlerge qoldaný usynylyp otyr (dándi daqyl, mal azyqtyq daqyldar, maqsary t.b.).
Sonymen qatar aýyl sharýashylyǵy taýar óndirishileriniń biliktiligin artyrý, ǵylymı súıemeldeý maqsatynda «Kásipkerlikke qyzmet kórsetý ortalyǵy» JSHS bazasynan barlyq aýdan qalada «Agro Konsýltatıvtik Ortalyqtar» ashyldy.
Budan bólek, joǵarǵy oqý oryndary, kolejdermen kelisimder jasalyp jumystar júrgizilýde. Búgingi kúni sharýa qojalyqtarynyń 30 %-ǵana tıisti aýyl sharýashylyǵy mamandyqtary bolsa, bul kórsetkishti 2020 j. deıin 80 % jetkizýdi josparlanyp otyr.
