Mal sharýashylyǵy boıynsha: 1991 j. salystyrǵanda İQM sany 1,7 esege (464,3 myń bastan – 778,4 myń basqa), jylqy sany 2,3 esege (91,1 myń bastan – 207 myń basqa), túıe sany 23 % (17,8 myń bastan 21,9 myń basqa) artyp otyr.
Et óndirý (tiri salmaqta) 1,8 esege (107,8 myń tonnadan – 202,4 myń tonnaǵa), sút óndirý 1,6 esege (436,4 myń tonnadan – 710,6 myń tonnaǵa) artty.
Mal sharýashylyǵy buryn sońdy bolmaǵan etti jáne sútti baǵyttaǵy İQM jańa tuqymdarymen tolyqtyrylýda.
Asyl tuqymdy iri qara mal tuqymynyń qundylyǵyn joǵarylatý maqsatynda, 2011-2015 jyldary oblystaǵy 6 iri sharýashylyq (Ýkraınadan «Fırma Saken» JSHS 66 bas sútti baǵyttaǵy «Qara ala», Avstralıadan «Aqsanat ınjınırıń» JSHS etti baǵyttaǵy 293 bas «Angýs», 146 bas «Gereford», «Bereke» SHQ etti baǵyttaǵy 191 bas «Angýs», Reseı Federasıasynan JK «Mırsıdıkov» 80 bas sútti-etti baǵyttaǵy «Sımmental», Kanadadan «Altyn Dán» JSHS 180 bas «Angýs», «Qazyna jer» JSHS sútti baǵyttaǵy 389 bas «Golshtınfrız» tuqymdary jalpy sany 1 345 bas shet elderden ákelinip oblysqa jersindirip damytylýda.
Ońtústiktiń maqtanyshy - «Ordabasy» atty asyl tuqymdy qoı túri shyǵaryldy. Bul - ońtústik ǵalymdarynyń 21 jyldyq eńbeginiń jemisi, 2012 jyly patentteldi.
«Ordabasy» asyl tuqymdy qoı túriniń ereksheligi tórt aılyq qozynyń ortasha salmaǵy 40 keli tartady. analyqtary - 70-90, al qoshqarlarynyń salmaǵy shamamen 95-ten 120 kelige deıin jetedi. Ystyq pen sýyqqa tózimdi, shólge shydamdy, jer tańdamaıdy, jyldam jetilip, tez qońdanady, júni men maıy az, eti mol. Búginde oblysta 70 myń bas «Ordabasy» qoıy bar. Negizinen, bul qoı tuqymynyń basyn kóbeıtýdi Ordabasy, Qazyǵurt, Saryaǵash, Otyrar jáne Saıram aýdandarynyń shopandary myqtap qolǵa alǵan.
