Qazirgi tańda oblystaǵy 21 kásiporyn ózderiniń ónimderin turaqty túrde eksportqa shyǵaryp keledi. Onyń ishinde Orta Azıada teńdesi joq «Ordabasy qus» JSHS-niń «Úndik etin óndirý jáne qaıta óńdeý jobasy». Atalǵan kásiporyn 2010 j. Elbasynyń qatysýymen tikeleı tele - kópir rejıminde iske qosyldy. Kásiporynnyń jyldyń qýattylǵy 10 myń tonna 50 túrli assortımenti daıyn ónim shyǵarady. Onyń ónimderiniń 40 paıyzy Eýrazıalyq odaq elderine eksporttalýda. Qazirgi tańda kásiporyn qýattylyǵyn jylyna 20 myń tonna ónimge arttyryp, Ortalyq Azıa, Eýropa elderine, Aýǵanystandaǵy NATO kontıngentine eksporttaýdy kózdep otyr.
Astyqty tereń óńdeý jáne kondıterlik ónimder shyǵarý salasynda «Barys 2007» JSHS, «Altyn dán» JSHS, «Danı nan» JSHS, «Atameken» JSHS, «MILLER & K» JSHS, «Aq nan» JSHS, «Araı» JSHS, «Rahat Shymkent» JSHS sekildi iri jáne orta kásiporyndar ashyldy.
Maıly daqyldardy qaıta óńdeý salasynda qurylǵan «Shymkent maı» JSHS, «Araı» JSHS sekildi mekemelerde kúnbaǵys, maqta, maqsary, soıa, qysha, zyǵyr, raps daqyldaryn tereń óńdeý tehnologıasy ıgerilgen.
Balyq ónimderin óndiretin «Hamıt» óndiristik kooperatıvi balyq fılesin, konservilengen balyq ónimderin shyǵarýda.
Atalǵan kásiporyndar óz ónimderin Ortalyq Azıa elderi men Germanıa, Grýzıa, Reseı, Ýkraına, elderine eksporttaýda.
Sonymen qatar, óńirimizde ósiriletin baý-baqsha, kókónis jáne jemis-jıdek ónimderi Latvıa, Lıtva, Germanıa, Estonıa, sekildi birqatar Eýropa elderine, sonymen qatar Reseı, Grýzıaǵa eksportqa shyǵarylýda.
Onyń ishinde óndiristik jylyjaılar «Adelá» sharýa qojalyǵy (16 ga), «KazAgronom» JSHS (3 ga), «Iftıkarı» sharýa qojalyǵy (2 ga) jylyjaı sharýashylyqtaryn damytýǵa qarqyndy úlesi qosýda.
Sońǵy jyldary óńirimizde ıntensıvti baý jáne júzim sharýashylyqtaryn damytýdyń arqasynda ımport kólemin 40 % deıin tómendetýge qol jetkizildi. Búgingi kúni ıntensıvti baýdyń kólemi 2100 ga. quraıdy.
Oblystaǵy et óndirý salasy qarqyndy damýda. «Qaıyp ata» JSHS, «Et-Agro Mankent» óndiristik kooperatıvterinde shyǵarylǵan et ónimderi Ózbekistan, Qytaı, Birikken Arab Ámirlikterine jáne İQM terileri Qytaıǵa eksporttalady.
Qazirgi tańda, qoı etin Iran, Irak, Saýd Aravıa elderine eksporttaý boıynsha kelissózder júrgizilýde.
