Ońtústik Qazaqstan oblysy geografıkalyq turǵydan tıimdi jerde ornalasqan. Osy tıimdilikti paıdalana otyryp, oblystyń basty maqsatynyń biri transporttyq logıstıkalyq áleýetin damytý bolyp tabylady.
Transporttyq-logıstıkalyq ortalyqtardyń qurylysy 60% naryqtyq qajettilikti qanaǵattandyrýǵa múmkindik beredi.
Transporttyq-logıstıkalyq ortalyqtarynda geografıkalyq ornalasýy aýdandardyń dástúrli qalyptasqan kásipkerler qyzmetine jáne mamandandyrylýyna baılanysty anyqtaldy.
Shymkent TLO qalany aýylsharýashylyq ónimderimen qamtamasyz etýge jáne eksportqa baǵyttalady.
Túrkistan TLO Qazaqstannyń batys aımaqtaryn aýylsharýashylyq ónimderimen qamtamasyz etýge baǵyttalady.
Maqtaral TLO baqsha, kókónis jáne jemis ónimderin keden odaǵy memleketterge eksporttaýǵa baǵyttalady.
Túlkibas aýdanyndaǵy TLO negizinen almalardy saqtaý, qaptaý jáne qaıta óńdeý jumystaryna uıymdastyrýǵa baǵyttalady.
Atalmysh jobalar júzege asyrylǵan jaǵdaıda oblys taýar óndirýshilerdi Keden odaǵy, Evropa jáne alys shetel memleketter naryǵyna shaǵarýǵa múmkindik týdyryp, jergilikti taýar óndirýshilerge kóterme saýda alańy qurylýǵa jáne transport aǵynyn ońtaılandyrýǵa múmkindik beredi.
Búgingi tańda, Elbasynyń tapsyrmasyna sáıkes, «Aýyl sharýashylyǵy kooperatıvteri» týraly Zańdy nátıjeli iske asyrý maqsatynda kooperatıvterdi qurý jumystary qarqyndy júrgizilýde.
Kooperatıvterge birigýdiń tıimdiligi aýyl sharýashylyǵy ónimderin óndirý men ótkizýdegi barlyq is-sharalardy merziminde júrgizip, ónim kólemin eselep arttyrýǵa múmkindik beredi.
Bul aýyl turǵyndarynyń ál-aýqaty men tabys kólemin arttyrýǵa tikeleı áser etetindigi sózsiz.
Búgingi kúni jańadan 8,0 myńnan astam usaq sharýashylyqtardy biriktiretin 81 kooperatıvter quryldy. 2016 – 2017 j.j. barlyq aýyldyq okrýgterde kooperatıvterdi qurý josparlanyp otyr.
