Saryarqa aýdandyq soty Astana qalasy İİD-niń Moldova azamattaryn Qazaqstan Respýblıkasynyń aýmaǵynan shyǵarý týraly talap aryzyn qarady,- dep habarlaıdy Qamshy.kz QazAqparatqa silteme jasap.

Sottyń anyqtaýynsha, moldovalyq eki azamat Kıshınev qalasynda júrip, Qazaqstan Respýblıkasy azamattarynyń jeke shottarynan aqshalaı qarajattardy urlaý jóninde qylmystyq kelisim jasaǵan.

Osylaısha, 2015 jyly 2 maýsymda Moldova azamattary «Kıshınev-Astana» áýe reısimen Astanaǵa ushyp kelgen. Qaskóıler «Kerýen» SOSO-da ornalasqan «Halyq banki» AQ-nyń bankomatyna arnaıy tehnıkalyq qural ornatqan. Sol arqyly paıdalanýshylardyń elektrondy nusqada saqtalǵan aqparattaryna ıe bolǵan. Qylmystyq áreketten 800 adam zardap shekti.

Sot baspasóz qyzmetiniń habarlaýynsha, 2015 jyly 26 qarashada Astana qalasy Esil aýdanynyń №2 aýdandyq soty quqyq buzýshylardy aıypty dep tanyp, múlkin tárkileı otyryp, jalpy rejim kolonıasynda 3 jyl jazasyn óteý úkimin shyǵardy.

2016 jyly 25 tamyzda sottalýshylar jazasynyń qalǵan bóligi aıyppul túrindegi jeńilirek jazaǵa aýystyryldy.

Saryarqa aýdandyq sotynyń sheshimimen, Molodova azamattary Qazaqstan Respýblıkasy aýmaǵynan qýylady.

Sot sheshimi zańdy kúshine endi.