Otyrarlyq dıhandar ozyq tehnologıanyń arqasynda mol ónimge qol jetkizip otyr. Aýdan basshysy Erlan Aıtahanov Maıaqum, Baltakól aýyl okrýgterindegi «Otyrar-Sút-Et» selolyq tutyný kooperatıvi men «Otyrar Agro ónimderi» jaýapkershiligi shekteýli seriktestiginiń jumysymen tanysyp, dıqandarmen kezdesti.
«Otyrar sút-et» kooperatıvi quramyna búginde jergilikti «Serikbaı-B», «Meıirbek LTD», «Úsenov-N» jaýapkershiligi shekteýli seriktestikteri kiredi. Kásiporyn bıyl 190 gektar alqapqa «Jıenbaı» sortty qaýynyn, 130 gektaryna jońyshqa, 100 gektaryna júgeri daqyldaryn ekken. Tyń tehnologıalardy paıdalaný arqyly mol ónim jıǵan sharýashylyqtyń kókónis, jemisine suranys joǵary. Maıaqum qaýynyn reseılikter tipti, ózderi kelip, áketip, Máskeý, Sankt-Peterbýrg naryǵyn qamtamasyz etip otyr.
Bul – sharýalardyń tókken teri men eńbeginiń jemisi.
Al, Baltakóldegi dıqandar ǵylymǵa negizdelgen, sońǵy ozyq tehnologıalardy paıdalanyp, 104 gektar alqapqa tamshylatyp sýarý ádisimen pıaz ekken. Dıqandar ár gektarynan 60 tonnadan ónim alyp, kelisim-shart boıynsha «Otyrar qoıma» JSHS-inde saqtap otyr. 50 gektar alqapqa qazirdiń ózinde maýsymdyq pıaz egilýde.
Vıktor Komılman, dıqan
Biz 100 gektardan astam jerge qystyq pıaz egip bitirdik. Onyń bir ereksheligi, mamyr aıynda ónim beredi. Utatynymyz ónim jaqsy bolsa, naryqqa ózimizdiń jańa pıazdardy shyǵaratyn bolamyz. Bul saýdagerler úshin qaltaǵa qonymdy bolady.
Osylaısha, otyrarlyqtar eginniń ebin taýyp, otandyq daqyldardy shetelge eksporttaýǵa jarap otyr. Dıqandar tamshylatyp sýarý ádisimen áli talaı belesti baǵyndyrýdan úmitti.
Perızat BINAZARQYZY
