Almatydaǵy «Jetisý» qonaq úıiniń shatyry órtendi, - dep habarlaıdy Qamshy.kz.

Órt qazir kúrdeli jóndeýden ótip jatqan qonaq úıdiń shatyrynda bolǵan. Keshki saǵat jeti jarymdarda basalǵan órt bir saǵattan soń aýyzdyqtalyp, 21 saǵat 38 mınýtta tolyq sóndirilgen.

Órtengen aýmaq 3500 sharshy metrdi quraıdy (qonaqúıdiń jalpy aýmaǵy – 5600 sh.m.). Tótenshe jaǵdaılar qyzmetiniń habarlaýynsha, qaza bolǵandar men jaraqat alǵandar joq kórinedi.

Tilsiz jaýmen kúreske 130 órt sóndirýshi men 28 tehnıka jumyldyrylyp, qonaq úıdi jóndep jatqan 70 jumysshy men kórshi dámhanada otyrǵan 50 adam syrtqa shyǵarylǵan.

Esterińizge salsaq, memlekettik menshikte bolyp kelgen atalǵan qonaq úı jaqynda aýksıon arqyly 1,7 mıllıard teńgege jeke menshikke satylǵan bolatyn.