Bul atyshýly is mamandandyrylǵan qylmystyq ister jónindegi sotta qaralmaq, - dep habarlaıdy Qamshy.kz KTK arnasyna silteme jasap.

Qazir otyrys ótetin zaldy baqylaý kamerasymen jabdyqtap jatyr. Óıtkeni sottalýshylardan bólek kelýshilerdiń kóp bolatyny aıtpasa da túsinikti. Sondyqtan zalǵa syımaǵandar ekinshi bólmedegi ekrannan baqylaıdy. Biraq ázirge proses ótetin jerdi eshkimge kórsetpeı otyr. Joǵary sot saıtyna jarıalaǵan tizim de birneshe saǵattan soń alynyp tastaldy.

Degenmen onda maýsymdaǵy atys kezinde tiri qalǵan 9 sodyr men olardyń 20 sybaılasynyń aty jazylǵan. Tizimdi bir apta boıy tártip saqshylaryna ustatpaı, áreń qolǵa túsken 28 jastaǵy Arsen Tańatarov bastap tur. Tapa-tal túste kóshede oq atqan Álibek Aqpanbetovtiń de jaraqaty jazylyp, sotqa eshkimniń súımeldeýinsiz keledi delingen. Maýsymda sodyrlardy eki kún boıy jaldamaly páterde jasyryp ustaǵandardyń da kim ekendigi belgili boldy. Mırlan Erdáýov pen Úsen Ótepov endi osy qylmysy úshin kem degende 6 jylǵa bas bostandyǵynan aırylýy múmkin.