Senator Birǵanym Áıtimova kıip kelgen kolgotkı jeli qoldanýshylaryn tańqaldyryp, olardyń qyzý talqysyna ushyrady. Bul týraly Qamshy.kz  New Times-ke   silteme jasap habarlaıdy. 

Qara jolaǵy bar kolgotkıdi depýtat búgin senattyń plenarlyq otyrysyna kıip kelgen. Depýtatty tómen taqaly týflıi de erekshelendirip turdy. Áıtimovanyń munymen ne aıtqysy kelgenin otandyq sángerler sarapqa salyp kórdi.

Astanalyq dızaıner Anastasıa Romanovanyń pikirinshe, osy kıimi arqyly depýtat qoǵamǵa ún qatyp otyr.

“Ol eldiń nazaryn ózine aýdarý úshin osyndaı kıim kıgen sıaqty. Eger kolgotkı qara nemese aqshyl sary bolsa eshkim nazar aýdarmaýshy edi. Tipti jurttyń týflıge de kózi túsedi dep aıtý qıyn. Mundaı kolgotkıdi men stýdent kezimde kıetinmin. Qazir 27 jasymda ondaı kolgotkıler kózge túrpideı tıip, kúlkili kórinetindikten men ondaı kımeımin”, – deıdi ol.

Bul rette Ásem Nurseıitovanyń pikiri basqasha.

“Menimshe ol bar bolǵany ózi úshin yńǵaıly kıim kıgen bolý kerek. Oǵan unap tursa nege kımeske. Jurttyń pikirine qaramaı, biz árqaısymyz ózimizge unaǵan kıimdi kıe alamyz. Men bir sheńberdiń ishinde qatyp qalǵan qaǵıdaǵa súıengim kelmeıdi. Sol sebepti osyndaı kreatıvti qoldaımyn”, – deıdi Nurseıitova.