QR Aqparat jáne komýnıkasıalar mınıstri Dáýren Abaev habarlaǵandaı, «Ashyq normatıvtik quqyqtyq aktiler» portalyna «Aqparat jáne komýnıkasıalar máseleleri boıynsha Qazaqstan Respýblıkasynyń keıbir zańnamalyq aktilerine tolyqtyrýlar men ózgertýler engizý týraly» zań jobasyna qatysty Tujyrymdama qoǵam talqylaýyna usynylǵan edi. L.N.Gýmılev atyndaǵy Eýrazıa ulttyq ýnıversıteti «Jýrnalısıka jáne saıasattaný» fakúlteti «Teleradıo jáne qoǵammen baılanys» kafedrasynyń dosenti Myrzantaı Jaqyp bul tujyrymdama aıasynda aqparat jáne medıakommýnıkasıa akademıasyn qurýdy usyndy, - dep habarlaıdy Qamshy.kz QazAqparatqa silteme jasap.

«Aqparat jáne komýnıkasıalar máseleleri boıynsha Qazaqstan Respýblıkasynyń keıbir zańnamalyq aktilerine tolyqtyrýlar men ózgertýler engizý týraly» zań jobasyna jýrnalısıka, qoǵammen baılanys, baspa isi, medıakommýnıkasıa sekildi aqparattyq komýnıkasıa salasynyń joǵary bilikti mamandaryn - bakalavrlardy, magıstrlerdi jáne PhD doktorlaryn daıarlaý máselesine baılanysty Aqparat jáne komýnıkasıalar mınıstrliginiń quzyrettilikteri men quqyqtaryn naqtylaıtyn arnaıy quqyqtyq qaǵıdalar engizilgeni jón.

Qazirgi kezde elimizde «Jýrnalısıka», «Qoǵammen baılanys» jáne «Baspa isi» mamandyqtary boıynsha joǵary bilimdi mamandar Bilim jáne ǵylym mınıstrliginiń júıesimen daıarlanyp keledi. Kóp jaǵdaıda Bilim jáne ǵylym mınıstrliginiń basshylary men qyzmetkerleri bul mamandyqtardyń erekshelikterin bile bermeıdi jáne túsine de bermeıdi. Sondyqtan, Buqaralyq aqparat quraldaryn biliktiligi joǵary mamandarmen qamtamasyz etý jónindegi ózekti máselelerdi sheshýdiń bir joly retinde elimizde jýrnalısıka, qoǵammen baılanys, medıakommýnıkasıa, baspa isi jáne t,b, mamandyqtar boıynsha magıstrler men PhD doktorlaryn daıarlaý maqsatynda Aqparat jáne komýnıkasıalar mınıstrligine tikeleı baǵynystaǵy derbes Aqparat jáne medıakommýnıkasıa akademıasyn qurýdy usynamyn»,-deıdi M.Jaqyp.