Jumysynda shaı iship, shylym shegýge jıi shyǵatyn sheneýnikterge de qıyn bolaıyn dep tur. Memlekettik qyzmetkerlerdi baqylaıtyn agenttik jumystaǵy bos júristi tyıyp, shylym men shaıǵa ketetin ýaqytty belgilep bermek.

Bul týraly Qamshy.kz  31 arnaǵa silteme jasap barlaıdy.

Agenttik basshylary osylaı ashýǵa minse, senatorlar azdap ashshy sý ishkenderge keshirimmen qaraý kerek dep qyzmetkerlerdi qorǵashtap shyqty.

Jalaqysy az dep etegi jasqa tolatyn memlekettik qyzmetkerler endi asyqpaı otyryp shaı de ishe almaıtyn sıaqty. Memlekettik ister jónindegi agenttik shylym shegýge shyqqysh sheneýnikter men tamaǵy jıi qurǵap qalatyn qyzmetkerlerdi qatań baqylaýǵa almaq.

Sóıtip qyzmetkerdiń júris-turysyn ýaqytpen belgilemekke bekingen organ olardy taım-menedjmentke úıretemiz dep otyr.

İshý demekshi… Jumystan tys ýaqytta, demalysta azdap ashshy sýdan urttap qoıatyndarǵa keshirimmen qaraý kerek deıdi depýtattar. Sebebi syra men sharap ishkenderge jaza qoldanylady degen soń, keı pysyqaılar tentek sýdy toıda tutynǵan sheneýnikterdi de jazalaı bastapty.

Sheneýnikterdiń túnge deıin jumysta qalýyn depýtattar ózderinen kórip otyr. Senator Serik Aqylbaı tek kúndiz túk bitirmeıtinder, 6-dan keıin jumysta qalady deıdi. Al jeke ómirin ysyryp, balasyna qoly tımeı júrgen qyzmetkerlerge jalǵyz jaqtas bilim mınıstri Erlan Saǵadıev qol astyndaǵylaryn 6-da jiberýdi bastap ketipti.

Al saǵat 6-dan artyq jumys istep qoıǵandarǵa memleket kók tıyn da tólemeıdi. Tek jomart basshylar qosymsha qarjy berem dese, marhabat. Sondaı-aq senatorlar keshki 6- jarymnan keıin memlekettik organdardaǵy kompúterlerdi sóndirip tastaý kerektigin qoldap otyr.