Qamshy.kz redaksıasyna habarlasyp ózin Almatyda 18 shilde kúni birneshe polıseıdi óltirip, birnesheýin jaraqattady dekp aıyptalyp jatqan Rýslan Kúlikbaevtiń dosymyn dep tanystyrǵan azamat Kúlikbaevtiń bala kezinen kıkboksıńpen shuǵyldanǵanyn, osy sport túrimen aınalysyp júrip birshama nátıjege jetkenin aıtady. Atyn atamaýdy ótingen ol redaksıaǵa Rýslan Kúlikbaevtyń sportta jetken jetistikterine aıǵaq bolatyn medaldar men gramota, dıplomdardyń da sýretterin joldady. Aıtýynsha, kıkboksıńpen shuǵyldanǵan R. Kúlikbaevtiń «Sport sheberligine kandıdat» degen ataǵy da bar eken. Rýslannyń dosy onyń Almatydaǵy qandy qylmysqa barýyn túrmede júrip psıhologıasynyń buzýlyýmen baılanystyryp otyr.

R. Kúlikbaev 1990 jyly Qyzylorda oblysynda dúnıege kelgen. 1994 jyly otbasymen Tereńózek kentinen Baıqońyr qalasyna kóship barǵan. Ákesi men sheshesi ajyrasqan. Qazir ákesi Astanada turady, basqa otbasy bar. Rýslan úıde alty aǵaıyndy eken. Rýslannyń aldynda bir aǵasy, bir ápkesi, úsh inisi bar. 

Esterińizge salsaq, R. Kúlikbaev 2010 jyly 27 tamyzda kisi tonaǵany úshin Shymkent qalasy Eńbekshi aýdandyq sotynyń úkimimen shartty jazaǵa kesilip, 2012 jyly zańsyz qarý saqtaǵany úshin Qyzylorda qalalyq sotynyń úkimimen aldyńǵy jazasyn qosa eseptegende úsh jarym jylǵa bas bostandyǵynan aıyrylǵany belgili.