Ulttyq saraptama ortalyǵynyń Mańǵystaý oblysyndaǵy fılıaly mamandary jergilikti turǵyndardyń shaǵymy boıynsha azyq-túliktiń 13 túrine saraptama jasady.  Zerthanalyq taldaý kezinde onyń 9-ynan stafılokokk, nıtrattar tabyldy jáne olardyń keıbiriniń kógergeni anyqtaldy? dep habarlaıdy Qamshy.kz Qazaqparat saıtyna silteme jasap.

Stafılokokk «Chýdo» ıogýrtynan tabylǵan. Sondaı-aq, sol jerde jasalǵan qurttyń kógerip ketkeni anyqtalǵan.

Bıyl tutynýshylardyń quqyǵyn qorǵaý departamentimen birlesip atalǵan ortalyq satylýyna tyıym salynǵan zattardyń satylyp jatqandyǵyna tekseris júrgizgen.

«9 aı ishinde 846 synama alyndy, sonyń ishinde 604 synama tamaq ónimderinen alyndy. 128 ónimniń standarttarǵa jáne qaýipsizdik talaptaryna saı emestigi anyqtaldy. 70 paıyz jaǵdaıda bizdiń laboranttar markalaý erejeleriniń buzylǵandyǵyn anyqtady», deıdi Ulttyq saraptama ortalyǵynyń Mańǵystaý oblysyndaǵy fılıalynyń dırektory Raıhan Rsymbetova.

Eske sala keteıik, Salmonellez  - juqpaly   ishek aýrýy qozdyrǵyshy - salmonella týysyna jatatyn taıaqshaly bakterıalar.

Qazirgi kezde 2500-den astam salmonella bakterıasy bar. Salmonellalar syrtqy ortada qolaıly jaǵdaı týsa, kóbeıe beredi.