Almatydaǵy terakt boıynsha aldyn ala sot otyrysy bastalyp jatyr, - dep habarlaıdy Qamshy.kz Tengrinews.kz – ke silteme jasap.

Bul is qylmystyq ister jónindegi mamandandyrylǵan aýdanaralyq sotta ótip jatyr. Proses tergeý ızolátorynyń ǵımaratynda ashyq tártipte ótedi. Rýslan Kúlikbaev quqyq qorǵaý organdarynyń jáne arnaıy organdardyń segiz qyzmetkeriniń, sonymen qatar eki beıbit turǵynnyń ómirin jalmaǵan terorıstik akt jasady dep aıyptalyp jatyr. Sondaı-aq, oǵan úsh adamdy óltirýge oqtaldy degen aıyp taǵylyp otyr. 

Sotty tergeý ızolátorynyń ǵımaratynda ótkizý týraly sheshimdi sottaǵylar Rýslan Kúlikbaevtiń óte ashýly ári qoǵamǵa qaýip tóndiretindigimen túsindirdi. Sondaı-aq, quqyq qorǵaý organdary sottalýshy qashyp kete me dep qorqyp otyr eken.

«Ol kamerasynda kisenmen otyrady. Ol óte qaýipti, sondyqtan sot prosesin tergeý ızolátorynyń ǵımaratynda ótkizýdi durys dep taptyq, sebebi qalalyq sottyń ǵımaratyna tasymaldanatyn bolsa, ol qarsylyq kórsetýi múmkin jáne qashyp ketýge áreket jasaýy múmkin. Kúlekbaevtyń fızıkalyq daıyndyǵy bar, ol kisendeýli tursa da, jaýap alynyp jatqan sátte tergeýshige stoldy tóńkerip jibere jazdady», - deıdi sottyń ókilderi.

Proses tolyqtaı ashyq ótýde. Sonymen qatar, Kúlekbaevpen qatar onyń bes sybaılasy sottalyp jatyr.

Al osyǵan deıin Rýslan Kúlekbaevtiń buryndary kıkboksıńpen aınalysqany jáne jetistikteri úshin osy sport túrinen san márte marapat pen quttyqtaýlarǵa ıe bolǵany belgili bolǵan edi. Esimin jarıalamaýdy ótingen adam, kıkboksıńpen shuǵyldanǵan Kúlekbaevtiń «Sport sheberligine kandıdat» degen ataǵy da baryn aıtqan.

Esterińizge salsaq, 18 shildede Almatyda terorıstik akt bolǵan edi. Belgisiz er adam Almaly aýdandyq İİB men UQK departamentine qarýly shabýyl jasady. Oqıǵa saldarynan bes adam, onyń ishinde úsh polısıa qyzmetkeri qaza tapty. Qalada terrorlyq qaterdiń qyzyl deńgeıi jarıalandy. Qylmysker ustaldy,ol buryn isti bolǵan Qyzylorda oblysynyń týmasy Rýslan Kúlekbaev bolyp shyqty.

Osyǵan deıin İİD tergeý jumystary barysynda1 8 shildede polıseılerdi óltirdi degen kúdikke ilingen Rýslan Kúlekbaevtyń jaldamaly páterdi anyqtaǵan bolatyn. Polısıadaǵylar páterde adam ómirine qaýipti zattardyń bar-joǵyn tekserip shyqty. Alaıda, polısıa qyzmetkerleri páterdi tintý kezinde qaýipti zattardy tappady. Al keshe Rýslan Kúlekbaev eki aıǵa qamaýǵa alyndy.