Qazaqstan alǵash ret «Eurovision-2017» án dodasyna qatysýy múmkin, dep habarlaıdy Qamshy.kz Baq.kz saıtyna silteme jasap.

Uıymdastyrýshylardyń aıtýynsha, álemde baıqaýǵa qatysty kóptegen sybys taralyp ketken. Sol sebepti shyndyqqa janasady degen tórt boljamdy atap kórsetýge sheshim qabyldanǵan eken. Shyndyq reıtıńisiniń ekinshi ornyna qazaqstandyq ártisterdiń alǵash ret «Eurovision-2017» dodasyna qatysý múmkindigi týraly habar ornalasqan.

«2016 jyldyń 1 qańtarynda Qazaqstandaǵy ulttyq habar taratýshy kompanıalardyń biri EVS-diń múshesi bolý quqyǵyn aldy. Mundaı mártebege, mysaly, avstralıalyq SBS TV telearnasy ıe bolyp otyr. «Habar» agenttigi atalǵan baıqaýda el namysyn qorǵaı alatyn ártisterdi birneshe jyl boıy izdestirgen bolatyn. Al qazaqstandyq BAQ pen ánshilerdiń tyńdarmandary mýzykalyq baıqaýǵa qatysýǵa negizgi úmitkerler retinde Janar Duǵalova, Dımash Qudaıbergen jáne «A`Stýdıo» toby qarastyrylyp otyr degen sybys taratty. Alaıda, EVS men baıqaý basshylary aqparatty rastamaǵan. Bul másele ashyq kúıinde qalyp otyr», - delingen málimdemede.

Shyndyqqa jaqyn degen qaýesetterdiń arasynda ánshi Elena Paparızýdyń Grekıaǵa oralatyny, sondaı-aq, O’G3NE Nıderlandynyń atynan, al danıalyq Emmılı de Forest Ulybrıtanıanyń atynan óner kórsetetini atalyp ótken.

Esterińizge sala keteıik, 9 qyrkúıekte Ýkraınanyń Ulttyq telearnasynyń basshysy Zýrab Alasanıa «Eurovision-2017» halyqaralyq án baıqaýy Kıevtiń halyqaralyq kórme ortalyǵynda ótetinin habarlady. Dástúr boıynsha, «Eurovision» mamyr aıynyń orta tusynda ótedi – naqty kúni konkýrs ótkizilerden birneshe aı buryn jarıalanady.