Aqtóbelik dárigerler mylqaý kelinshektiń jatyrynan 6 keli mıoma aldy. Aqtóbe oblysy Shalqar aýdanynyń alys aýylynda turatyn kelinshek qazir jansaqtaý bóliminde jatyr,-  dep habarlaıdy Qamshy.kz Nur.kz saıtyna silteme jasap. 

İshi iskenshe júre bergen kelinshektiń jatyryndaǵy mıomany astanalyq dárigerler anyqtaǵan. Dárigerler qaterli isikti áıeldiń jatyrymen birge alyp tastaǵan. Sóıleı almaıtyn kelinshektiń úsh balasy bar.

«Shalqar aýdanynyń alys aýylynda turatyn 47 jastaǵy kelinshektiń jatyrynan alyp mıoma anyqtaldy. İsiktiń salmaǵy 6 keliden asady. Áıel oıandy, ota sátti ótti. Bir aptadan keıin úıine shyǵarylady. Astanadan kelip jatqan arnaıy top ishindegi dárigerler alys aýyldardaǵy turǵyndardy tekserip jatyr. Áıel adamdardyń arasynda asqynǵan aýrýmen júrgenderdiń kóp ekeni anyqtalǵan. Almatydaǵy respýblıkalyq akýsherlik jáne gınekologıalyq ortalyǵynyń dárigeri Roza Raevanyń jetekshiligimen birneshe ota jasalyndy», - deıdi oblystyq aýrýhananyń bas dárigeri Samat Danıarov.

Áıeldiń jatyryndaǵy alyp mıomany aýylǵa kelgen «Densaýlyq poıyzynyń» mamandary kórgen. Naýqasty birden portalǵa kirgizip, oblystyq aýrýhanada ota jasady.

Mamandar alys aýyldarda dárigerge kórinbeı, aýrýlary asqynyp ketken kelinshekterdiń kóp ekenin aıtady. «Densaýlyq poıyzy» kómegimen taǵy bir

45 jastaǵy kelinshekten de jatyr isigi alynǵan. Ol áıeldiń mıomasy da úlken kólemde isip ketken.