Ońtústik koreıalyq brend "Benton" markaly tabıǵı emdik-kosmetıkalyq quraldardyń resmı saýdalaýshysy jáne otandyq jasyl ónim, dárilik zattar shyǵarýshy Dari life kompanıasy 15 qazan kúni óziniń bir jyldyǵyn atap ótti. Az ǵana ýaqyttyń ishinde zor jetistikterge jetken ujymnyń merekelik bas qosýy Almatydaǵy "Mıras" saltanat saraıynda ótti dep habarlaıdy qamshy.kz
Jınalǵandardy merekemen quttyqtaǵan kompanıa prezıdenti Aqzat Azatuly bir jyldyń ishinde kompanıanyń qyrýar jetistikke jetkenin aıtty. "Armanymyz Qazaqstannan bir kompanıa ashyp, álemge tanytý edi. Mine, sol armandy júzege asyrý jolynda eńbek etip jatyrmyz. Kompanıa qyzmetkerleri oǵan zor úles qosýda. Árıne, kompanıaǵa, onyń maqsattaryna senbegender boldy. Senip, birge qalǵandar da boldy. Sengender, mine, búgin osy zalda qurmetti qonaq bolyp otyr, senbegender úılerinde teledıdar kórip otyr",- degen kompanıa basshysy ujymnyń búginde Qytaı naryǵynda belsendi jumys istep, ondaǵy tutynýshylardyń zor senimine bólengenin, aldaǵy ýaqytta álemdik naryqtyń suranysyn qanaǵattandyrý baǵytynda jumystyń jalǵasatynyn jetkizdi. Emdik-kosmetıka naryǵynda óziniń ornyn bıikten belgilegen kompanıa bul meıramǵa úlken jetistiktermen kelip otyr. Qyzmette ozyq tájirıbe tanytyp, kompanıanyń ǵana emes, ózderiniń de tabysyn eseleı bilgen 5 ókil Húndaı avtokóligin ıelense, 5 qyzmetker Dýbaıǵa, 2 qyzmetker Parıjge saıahattap qaıtýǵa joldama aldy. Odan bólek kompanıanyń 8 ókili mıllıoner atanyp otyr.
Kompanıa ónimderiniń 100% ekologıalyq taza, eshqandaı hımıalyq qospasyz, densaýlyq pen ásemdikke paıdasy mol ónimder ekenin atap ótken jón. Osyndaı adam aǵzasyna paıdasy mol ónimderdi júıeli jolǵa qoıylǵan kompanıa jumysy nátıjesinde myńdaǵan adamnyń densaýlyǵyn nyǵaıtýǵa da úles qosýda. Ujymnyń merekelik keshinde "Vıse-prezıdent" ataǵyn tabystaý, basqa da syı-sıapattar úlestirý sharalary ótti. Kóńildi keshtiń ajaryn Qazaqstan men alys-jaqyn shet elderge tanymal óner juldyzdary Janar Duǵalova, Jazıra men Janbolat, Serikbol Saılaýbek bastaǵan estrada ánshileri asha tústi. Kompanıa basshylyǵy kompanıanyń árbir ókili men tutynýshysyna tolaıym tabystar men zor densaýlyq tileıdi.
Erlan Tóleýbaı
