Qaraǵandyda 8 páterli úı órtendi. Qudaı saqtap turǵyndar túgel baspanalarynan shyǵyp úlgergen. Biraq tozyǵy jetken eski ǵımarat túgi qalmaı janyp ketti. Endi osy úıdi panalap kelgen, úlkendi-kishili 20-dan astam adam qystyń kózi qyraýda dalada qalyp otyr.
Bul týraly Ktk arnasy habarlaıdy.
Órt túngi saǵat on birler shamasynda tutanǵan. Qyzyl jalyn alǵashynda ǵımarattyń shatyryna shapshyp, 300 metr aýmaqqa túgel tarapty. Apat ornyna 50 órt sóndirýshi 12 tehnıkasymen jetkenime,n aǵash úı tolyǵymen janyp ketti. Túndegi jaıttan júregi shaılyǵyp qalǵan Sálıma Orazovanyń sóıleýge shamasy joq . Tek kóz jasyna býlyǵyp páteriniń qazirgi sıqyn ymdap kórsetkendeı bolady.
