Almaty oblysynda sábıi shetinep ketken áke dárigerlerdi jaǵadan alyp, janjal shyǵardy,-  dep habarlaıdy Qamshy.kz  KTK arnasyna silteme jasap.

Onyń aıtýynsha, áıeli aq halattylardyń kesirinen aıynan erte bosanyp qoıǵan. 7 aılyq bop ómirge kelgen shaqalaqtyń bastapqyda densaýlyǵy da jaqsy bolǵanymen, arada jeti kún ótpeı shetinep ketipti. Sábıi ólip qaıǵyrǵan jalǵyz bul otbasy emes eken. Qaskeleń aýrýhanasynda ólgen basqa da balalardyń ákeleri oqıǵanyń qaıtalanǵanyn estip, búgin aıqaıǵa basty.

Kúni keshe ǵana áke atanǵan Farhat sábıin áli ıiskep te úlgermepti. Aıtýynsha, aıaǵy aýyr kelinshegi dárigerlerdiń bergen dárisinen soń  aýrýhanaǵa túsken. Jaǵdaıy aýyrlaǵan áıeldi aq halattylar birden bosandyryp alypty.

"Akýsher Rıfat kelinshegimniń de, balanyń da jaǵdaıy táýir degen. 20 myń teńge aqsha surady berdi", - deıdi ashynǵan áke Farhat Turymbetov.

Biraq jaǵdaıy jaqsy delingen jeti aılyq bala jeti kún ótpeı shetinepti. Al aq halattylar qaraly habardy jetkizgennen basqa mardymdy jaýap bere almaǵan. Olar bala, aman-saý, tamaq iship jatyr degen.

Aýrýhana basshylyǵy ózderine shań jýytpaq otyr. Kerisinshe,sábıiniń óliminiń sebebin bilgisi kelgen ákeni tyńdaǵylary da kelmeı, kúzet shaqyrtyp, naýqastardyń yzasyn týdyrdy.

Sóıtse, bul perzenthanadan jylap shyqqan jalǵyz bul otbasy emes eken. Erqýan Egizbaev ta osy jerden balasyz ketken. Onyń sábıin aq halattylar shatastyryp týberkýlezden emdegen eken. Keıin sot saraptamasy balanyń tipti saý bolǵanyn aıtypty.

"Týberkýlez dedi,  teksertsek týberkýlez emes, baýyry ezilip ketken dáriden, aýyr dárilerden. Jazasyn berý kerek, dárigerlerdiń. Bárin teksertý kerek", - deıdi Qaskelen kentiniń turǵyny Erqýan Egizbaev.

Al jeti aılyq balasynan aıyrylyp qalǵan ana endi bul perzenthanaǵa jolamaıtynyn aıtyp, jylap otyr.

Tuńǵyshyn besikke emes, qara jer qoınaýyna tapsyrýǵa májbúr áke endi sotqa júginip, Densaýlyq mınıstrine de shaǵymdanbaqshy.