Hrapýnovtyń el qazynasynan jymqyrǵan mıllıondaryn jasyrýǵa Donald Tramp kómektesken,- dep habarlaıdy Qamshy.kz Ktk arnasyna silteme jasap. Brıtandyq tanymal aqparat quraldary AQSH prezıdenttiginen úmitker Tramp pen qazaqstandyq alaıaq  Hrapýnovtyń baılanysy bolǵan dep jarysa jazýda.

Jýrnalısik zertteý júrgizgen brıtandyq basylym Almatynyń eks-ákimi men Tramptyń bir-birimen hat alysqanyn anyqtap, ekeýine ortaq banktik qujattardy tapty. Jáne Hrapýnovtyń qyzy Elvıra Kýdráshova  mıllıondaǵan dollarǵa Manhettendegi Tramptyń aspanmen talasqan  "Tramp Taýers" úıinen páter alǵan.

Biraq, 70 jastaǵy amerıkalyq bıznesmen Hrapýnovtar januıasyna múlkin tikeleı satpapty. Kelisim-shartpen mıllıonerdiń qaramaǵyndaǵy kompanıalardyń biri aınalysqan. Dál osy fırma Vıktor Hrapýnovtyń uly Ilás Hrapýnovqa tıesili qonaq úıdi qaıta josparlaýǵa da qatysypty. Bul qıturqylyqtar dáleldense, Amerıka prezıdenti bolýdan úmiti bar Donald Trampqa da , Respýblıkashyldar partıasynyń bedeline úlken nuqsan keltiretini anyq. Al Almatyny basqarǵan jyldary gektarlap jer telimderi men ákimshilik ǵımarattaryn satyp baıyǵan Vıktor Hrapýnov bala-shaǵasymen Shveısarıada shalqyp ómir súrip jatyr. Qazaqstanda oǵan qatysty 20 qylmystyq is qozǵalǵan. Áıeli Leıla men Hrapýnovtyń ózine Interpol izdeý jarıalasa da, erli-zaıyptylar ustalar emes.