Din isteri mınıstri salafıtterdiń ýaqyt óte kele joq bolatynyna senimdi. Aqtóbelik stýdenttermen kezdesýge kelgen Nurlan Ermekbaev bul rette tipti shaıtanǵa tabynǵan satanısterdi de mysal retinde keltirdi.

Bul týraly Qamshy.kz Ktk arnasyna silteme jasap habarlaıdy. 

Nurlan Ermekbaev, QR Din isteri jáne azamattyq qoǵam mınıstri:

-Buryn qaıdaǵy bir satanıster de bolǵan. Túrli sondaı sektalar kóbeıgennen keıin ózderimen ózi joǵalyp ketti. Sol sıaqty qazirgi anaý salafıt bolsyn, basqa da teris aǵymdar solardyń bári sánnen shyǵyp qalady.

Mınıstr Nurlan Ermekbaev el ishinde ylań salǵan ásiredinshilerdiń dáýreni qashan bitetinin naqty aıta almady. Eń bastysy ózimen kezdesýge kelgen aqtóbelik jastarǵa «olarǵa ermeńder» deýmen boldy. Mundaı eskertýge bul aımaqtaǵy stýdentterdiń qulaǵy ábden úırengen. Óıtkeni Astanadan mınıstri, prokýrory men dindarlary bar 200 ókil kelgeli beri mundaı jınalystar kúnde ótip jatyr. Din isteri mınıstri ǵalamtor joq ýaqytty qyzyǵa eske alatynyn da aıtty. Óıtkeni qazirgi aqparattyq zamanda teris úgit-nasıhat júrgizetinderge tosqaýyl qoıý múmkin emestigin moıyndap otyr.