Aqtóbe oblysynda ata-anasy kisendep ustap otyrǵan jigit psıhdıspanserge qabyldandy. Talmasy ustasa eshkimge boı bermeı ketetin Azamat Boqanovtyń dıagnozyn mamandar bir aı ishinde anyqtaımyz dep otyr.

Bul týraly Qamshy.kz Ktk arnasyna silteme jasap habarlaıdy.

25 jastaǵy bul jigit osydan 6 jyl buryn áskerde soqqy alǵan. Sodan úıine  oralǵaly beri otbasyda bereke joq. Óıtkeni zińgitteı jigittiń aýrýy qozǵanda ál bermeı, kózine kóringenge tıisedi. Tipti, ákesiniń saýsaǵyn shaınap tastaǵan. Sondyqtan kóterilgende kisendep qoıady eken. Endi mamandar ony bir aı psıhdıspanserde emdep, ustamasynyń sebebin anyqtamaqshy. Keıin múgedektik rásimdeýge kómektesemiz dep otyr. Biraq naýqasty únemi oqshaý ustaýǵa bolmaıtynyn aıtady.

Danıar Shaltaqov, Aqtóbe oblystyq psıhonevrologıalyq dıspanseri bas dárigeriniń orynbasary:

-Naýqasty munda oqshaýlap ustap otyra almaımyz. Sondyqtan dıspanserden shyqqan soń úıde dárilerin ýaqytyly berip otyrý kerek. Talmasy ustamasa eshkimge zıany joq. Mundaı dertke qatty soqqy men psıhologıalyq kúızelistiń kesirinen shaldyǵady adamdar.