21-22 qazan 2016 jyly Ankara men Ystambulda Qazaqstan Respýblıkasynyń Tótenshe jáne Ókiletti Elshisi Janseıit Túımebaevtyń dıplomatıalyq mısıasynyń aıaqtalýyna oraı qabyldaý ótti.
Atalmysh sharaǵa Túrkıa Premer-mınıstr orynbasary Tuǵryl Túrkesh, Túrkıa Prezıdenti Baspasóz hatshysy Ibrahım Kalyn, Túrkıa Uly Ulttyq Májilisiniń depýtattary Halúk Ipek, Ismaıl Safı, eks-mınıstr Namyk Kemal Zeıbek, Kechıóren mýnısıpalıtetiniń meri Mustafa Ak, Qazaqstannyń Eńbek Eri Oljas Súleımenov jáne taǵy basqa memlekettik vedomstvalarynyń ókilderi, Túrkıadaǵy dıplomatıalyq mekemelerdiń basshylary men qyzmetkerleri, qazaq dıasporasy, buqaralyq aqparat quraldary men kásipkerler qatysty.
Qabyldaý keshine qatysqan laýazymdy qonaqtardyń aldynda sóz alǵan Janseıit Túımebaev Ankarada dıplomatıalyq mısıany atqarǵan kezinde qazaq-túrik qarym-qatynasynyń kúsheıýine jáne damýyna qosqan zor úlesi úshin Túrkıa Prezıdentine, Túrkıa Úkimetine, Túrkıa Uly Ulttyq Májilisine jáne búkil túrik halqyna rızashylyǵy men alǵysyn bildirdi. «Sondaı-aq, meniń dıplomatıalyq qyzmetti atqarǵan kezimde ózara túsinistikpen jáne dostyqpen birge jumys istegen dıplomatıalyq mekemeleriniń basshylaryna, áriptesterime alǵys aıtamyn,» – dedi J.Túımebaev. Elbasy Nursultan Nazarbaevtyń táýelsizdiktiń alǵashqy kúninen bastap, Túrkıa arasyndaǵy qarym-qatynasyna bıik deńgeıde mán berip, dostyq pen baýyrlastyqty nyǵaıtýǵa zor úles qosyp otyrǵandyǵyn atap ótken J.Túımebaev: «Qarqynmen jalǵasyp otyrǵan ekijaqty baılanys qazaq-túrik qarym-qatynasynyń belsendi damýy úshin eń joǵary deńgeıdegi myǵym tuǵyrnama bolyp tabylady,» – dedi. Sondaı-aq, jańa elshi taǵaıyndalǵannan keıin Túrkıa Úkimetiniń Qazaqstannyń elshiligine qoldaý kórsetetindigine senim bildirdi. Sóz sońynda J.Túımebaev baýyrlas túrik halqyna qonaqjaılylyq úshin alǵys aıtyp, Túrik eline júrekjardy tilekterin jetkizdi.
Sharada sóz alǵan Túrkıa Premer-mınıstri orynbasary Tuǵryl Túrkesh: «Janseıit Qanseıitulymen tanysqan kúnnen bastap, baýyrlastyq baılanysymyz bıik deńgeıde jalǵasty. Eki elge qatysty máseleler boıynsha jıi-jıi kezdesip otyratynbyz. Tamyrlas qazaq halqynyń qundylyqtaryn tanyta otyryp, baýyrlastyǵymyzdyń nyǵaıýyna úlken septigin tıgizdi. Túrkıa Premer-mınıstriniń arnaıy sálemin jáne quttyqtaý lebizin ózine jetkizdim. Jańa qyzmetine shyn júrekten tabys tileımiz!» – dedi. Al Túrkıa Prezıdentiniń arnaıy sálemin jáne quttyqtaýyn jetkizgen Túrkıa Prezıdenti Ibrahım Kalyn Elshi Janseıit Túımebaevty jańa qyzmetke taǵaıyndalýymen shyn júrekten quttyqtap: «Janseıit Qanseıituly Túrkıada qyzmet istegen jyldarynda eki el arasyndaǵy saıası-ekonomıkalyq, mádenı-gýmanıtarlyq qarym-qatynastyń damýyna zor úles qosty. Birge tyǵyz baılanysta boldyq. Árıne, Túrki dúnıesiniń abyzy, Qazaqstan Respýblıkasynyń Prezıdenti Nursultan Nazarbaevtyń dál osyndaı qabilet-qarymy bar elshini taǵaıyndaýy kezdeısoqtyq emes. Ol – shyn máninde Qazaq eline jáne Elbasyǵa adal jan. Onyń jetistigi tek qana eki el arasyndaǵy qarym-qatynasty damytýynda emes, ásirese sońǵy kezderde aımaqtyq máseleler boıynsha birge óte tyǵyz jumys istedik. Osy múmkindikti paıdalana otyryp, ózine shyn júrekten rızashylyǵymyzdy jetkizemiz,» – dep alǵys aıtty.
Túrkıa Premer-mınıstr orynbasary Tuǵryl Túrkesh pen Túrkıa Prezıdenti Baspasóz hatshysy Ibrahım Kalyn Túrkıa Úkimeti úıinde Elshi J.Túımebaevty qabyldap, alǵys hatpen marapattady.
Shara barysynda Qazaqstannyń Túrkıadaǵy elshiliginde túrik kásipkerlerge arnalǵan «Ońtústik Qazaqstan oblysynyń ınvestısıalyq múmkindikteri» atty konferensıa ótti. Konferensıada Elshi J.Túımebaev Ońtústik Qazaqstan oblysynyń ıvestısıalyq múmkindikteri týraly aqparat berip, Túrkıanyń beldi-bedeldi kásipkerlerimen kelissózder júrgizdi. Jıynǵa qatysqan bıznes ókilderi men óndiris salasynyń belgili ınvestorlary Qazaqstanmen baılanysty kúsheıtetindikterin jetkizdi.
