Bul týraly «Qamshy» portaly QR ASHM Baspasóz qyzmetine silteme jasap habarlady. 2016 jyldyń qańtar-qyrkúıek aralyǵyndaǵy aýyl sharýashylyǵy ónimderiniń jalpy shyǵarylymy búkil respýblıka boıynsha 2 501,0 mlrd. teńgeni qurady. Bul byltyrǵy jyldyń osy kezeńimen salystyrǵanda 4,9%-ǵa joǵary.

Mal sharýashylyǵy salasyndaǵy jalpy ónim 1 177,9 mlrd. teńgeni qurady.

A.j. 1 qazandaǵy jaǵdaı boıynsha mal basy ortasha eseppen 1,1 %-ǵa ulǵaıǵan. Aıtalyq, jylqy sany 6,4%-ǵa ósip, 2 mln. 269 myń basty qurady. Al, iri qara mal sany 2,7%-ǵa ósip, 6 mln.831 myń basty qurady.

Tıisinshe, aýyl sharýashylyǵy janýarlarynyń ósimine sáıkes qazaqstandyqtar da et pen et ónimderin molynan tutyna bastady. Mysaly, QR Ulttyq ekonomıka mınıstrligi statısıka komıtetiniń derekterine qaraǵanda, a.j. 1 qazandaǵy jaǵdaı boıynsha 651,5 myń tonna mal men qus eti satylǵan. Bul da byltyrǵy kórsetkishten 20 myń tonnaǵa joǵary.

Salanyń taǵy bir mańyzdy kórsetkishiniń biri – sıyr sútin óndirýge qatysty. AÓK-tiń bul baǵytynda 9 aı kóleminde aıtarlyqtaı ósim bar. Mysaly, byltyrǵy jylǵy ónim kólemimen salystyrǵanda 4 150,6 myń tonnaǵa joǵary.

Qazirgi tańda, QR ASHM AÓK damytý boıynsha jańa memlekettik baǵdarlama ázirleýde. Ol «Agrobıznes-2020» baǵdarlamasyna negizdelýde.